DAGSTUKKIES UIT DIE BYBEL:
MOENIE VIR DIE SATAN PLEK GEE NIE

Kom en geniet saam met ons die Dagstukkies uit die Bybel vandag, Suid Afrika. Die Goeie Nuus  Bybel vers vir vandag en Bybelstudie kom uit  die Rhapsody van Realiteite van Pastoor Chris Oyakhilome, die wêreld se #1 Dagstukkie:

Ek sal nie veel meer met julle spreek nie; want die owerste van hierdie wêreld kom

en het aan My niks nie (Johannes 14:30).

Indien hulle toegelaat word, kan demoniese geeste ’n Christen teister, beïnvloed, of selfs martel. Die apostel Paulus vermaan soos volg: “Leave no [such] room or foothold for the devil [give no opportunity to him]” (Efesiërs 4:27 AMPC).

Daar is byvoorbeeld Christene wat soms nagmerrie ervarings het, maar op die ou end is dit eintlik ’n werklike ervaring en nie net ’n droom nie. In sommige gevalle kan daar selfs dierlike figure betrokke wees. Die persoon bid dalk hieroor, maar tog verander die situasie nie.

Dikwels is dit die Satan wat probeer om ’n band tussen homself en sulke individue te handhaaf deur iets in hul harte te saai, soos ’n gedagte — ’n onreine gedagte. Solank sulke mense dan daardie gedagtes van die Satan toelaat en koester, is daar ’n blywende verbinding. So, selfs as hulle hom wegjaag in Jesus se naam, solank sy gedagtes in hul harte bly, behou hy sy verbinding en hou hy aan terugkom.

Soms kan dit vrees wees. Hy plant vrees en met daardie verbinding hou hy aan om terug te kom. Wanneer jy bid en hom teregwys, maar sonder dat jy dit besef steeds dit wat hy in jou gehad het bewaar, hou hy aan terugkom. Dis hoekom jy, soos Jesus, niks van die Satan in jou moet hê nie. Hy (Jesus) het in ons temavers gesê: “…want die owerste van hierdie wêreld kom en het aan My niks nie.”

Hou jou hart skoon van enigiets wat van die Duiwel af is. Weier om vrees, woede, wrokkigheid, bitterheid of onvergewensgesindheid te koester. Laat liefde in jou hart heers. Moet nooit vatbaar wees vir vrees nie, ongeag wat om jou aangaan. Jesus het gesê: “Ek het die Satan soos ’n bliksem uit die hemel sien val” (Lukas 10:18). Moet nooit vir hom bang wees nie, want hy is ’n verslane vyand en het geen gesag oor jou nie.

BELYDENIS

Ek is die geregtigheid van God in Christus Jesus en ek het die lig van die lewe. Daar is geen duisternis in my nie. Deur die bloed van die Here Jesus Christus, waardeur ek voortdurend gereinig en gesuiwer word, het die Satan geen plek in my nie. Hy het geen invloed in my lewe nie en ek heers oor hom, in die Naam van die Here Jesus! Amen.

VERDERE STUDIE:

Efésiërs 4:27 AMPC; Jakobus 4:7; 1 Johannes 4:4