DAGSTUKKIES UIT DIE BYBEL:
LÉÉF SOOS ’N CHRISTEN

Kom en geniet saam met ons die Dagstukkies uit die Bybel vandag, Suid Afrika. Die Goeie Nuus  Bybel vers vir vandag en Bybelstudie kom uit  die Rhapsody van Realiteite van Pastoor Chris Oyakhilome, die wêreld se #1 Dagstukkie:

“Elkeen wat deur God verwek is, hou nie aan sonde doen nie omdat God se saad in hulle bly. Hulle kan ook nie aanhou sonde doen nie omdat hulle deur God verwek is” (1 Johannes 3:9).

Om die teksvers hierbo reg te verstaan, moet jy dit in die regte konteks bestudeer. Die doel hierdie vers sien ons eintlik in die 6de vers van die voorafgaande hoofstuk, dit lui: “…Dié wat beweer dat hulle in ’n noue verbintenis met Hom leef, moet self ook leef soos Hy geleef het” (1 Johannes 2:5-6). Let daarop dat dit nie sê: “Die wat beweer dat hulle in ’n noue verbintenis met Hom leef, leef net soos Hy geleef het” nie. Inteendeel, dit sê as jy ’n Christen is, moet jy soos ’n Christen leef; leef soos Hy (Jesus) geleef het.

Romeine 8:6 sê vir ons: “As jou sondige natuur jou denke oorheers, lei dit tot die dood. Maar as die Gees jou denke oorheers, beteken dit vir jou ware lewe en vrede.” Hier leer Hy ons om in die Gees te wandel. Hy sê: “Ek sê: Laat julle leefstyl eerder deur die Gees bepaal word. Dan sal julle glad nie aan die begeertes van julle sondige geaardheid toegee nie” (Galasiërs 5:16). Dit is alles instruksies en leiding wat aan ons gegee word, deur die Woord van God.

 Romeine 6:1-2 sê: “Beteken dit nou dat ons in die sonde moet voortlewe sodat die genade steeds oorvloediger kan word? Hoegenaamd nie! Ons is immers dood vir die sonde. Dis tog onmoontlik dat ons nog langer daarin kan voortlewe!” Geen Christen is vry om verkeerd te doen nie. Jy is geroep om geregtigheid te vertoon; om in sy geregtigheid te wandel. Die lewe wat ons in Christus het, is sonde-vry. Al is dit moontlik om foute te maak in jou geloofswandel sê die Bybel: “…die bloed van Jesus, sy Seun, maak ons skoon van elke sonde” (1 Johannes 1:7). Hy het outomatiese reiniging vir ons voorberei. Wat Hy verwag is dat jy jouself moet oorgee aan die Woord, om geleer te word, om in geregtigheid gelei te word, want deur die Woord sal jy ontdek dat jy gereinig is van alle ongeregtigheid (Johannes 15:3) en die vermoë het om sonde-vry te leef. Prys die Here!

GEBED

Dierbare Vader, dankie vir u genade en die krag van u geregtigheid wat in my werk! Ek wy myself aan die Woord om geleer te word, om in geregtigheid gelei te word. Die sonde het geen mag oor my nie. Ek het die korrektheid van God in my gees en dit word uitgedruk in my gedagtes, woorde en optrede, in Jesus se Naam. Amen.

VERDERE STUDIE:

1 Johannes 5:18; 1 Johannes 2:1; 1 Johannes 2:28-29