DAGSTUKKIES UIT DIE BYBEL:
VERSTERK DEUR DIE HEILIGE GEES

Kom en geniet saam met ons die Dagstukkies uit die Bybel vandag, Suid Afrika. Die Goeie Nuus  Bybel vers vir vandag en Bybelstudie kom uit  die Rhapsody van Realiteite van Pastoor Chris Oyakhilome, die wêreld se #1 Dagstukkie:

“Daarom kniel ek voor die Vader. Hy is die Vader van elke gemeenskap in die hemel en op die aarde. Mag Hy deur sy Gees uit die rykdom van sy Goddelike grootheid aan julle die krag gee om innerlik sterk te word” (Efesiërs 3:14-16).

In ons temavers het die apostel Paulus deur die Gees gebid dat die Christene in Efese met krag in hul innerlike mens versterk sou word. As Paulus só vir hulle gebid het, moet dit beteken dat hy geweet het wat dit beteken om versterk te word en dat hy homself moes versterk. Dus het hy nie probeer om God so vêr te kry om ’n belofte na te kom, of om iets te doen wat ons as Christene nie het nie.

Waarom het Paulus dan vir die heiliges in Efese gebid? Omdat die mense nog nie volle kennis gehad het oor die goddelike mag wat in hulle gewerk het, deur die inwoning van die Heilige Gees, nie. Dit was om hulle bewus te maak van die goddelike energie, die bonatuurlike krag van die Gees wat in hulle gewoon het. Hierdie ‘versterking’ het nie uit die hemel gekom nie, maar deur die Gees van God wat alreeds in hulle woonagtig was. Hy wou hê dat hulle die bediening van die Heilige Gees in hulle moes verstaan en in sy mag moes wandel.

Daar is ’n Gees in jou wat jou versterk. Daardie Gees gee jou bonatuurlike krag; die vermoë om te presteer. Halleluja! Daarom moet jy nooit bely, of aanvaar dat jy swak is nie. Daar is geen swakheid in jou lewe nie, want die Heilige Gees, die verpersoonliking van alle heerlikheid, heerskappy en krag, woon in jou in al sy volheid. Geen deel van jou liggaam is vatbaar vir siektes, kwale, krankhede, of die Duiwel nie. Die Heilige Gees in jou hou jou gees, siel en liggaam lewendig.

Romeine 8:11 verklaar: “Omdat die Gees van die God wat Jesus uit die dood opgewek het in julle woon, sal Hy wat Christus uit die dood opgewek het, ook julle dooie liggame weer lewendig maak deur dieselfde Gees wat in julle woon.” Dit is nie meer ’n belofte nie, maar ’n huidige werklikheid. Eer aan God!

BELYDENIS

Elke vesel van my wese word gevoed met wonderwerkvermoë; ek word versterk en bekragtig deur die Heilige Gees in my innerlike mens; ek is bekwaam vir enige taak. Ek is bewus van sy goddelike mag wat kragtig in my werk en ek funksioneer daarmee. Halleluja!

VERDERE STUDIE:

Efésiërs 6:10 AMPC; Filippense 4:13; Kolossense 1:9-11