DAGSTUKKIES UIT DIE BYBEL:
HY WIL JOU HART HÊ

Kom en geniet saam met ons die Dagstukkies uit die Bybel vandag, Suid Afrika. Die Goeie Nuus  Bybel vers vir vandag en Bybelstudie kom uit  die Rhapsody van Realiteite van Pastoor Chris Oyakhilome, die wêreld se #1 Dagstukkie:

Ons temavers sê: “My seun, maak jou hart vir my oop en volg my voorbeeld na” (Spreuke 23:26 NLV).

Mense is almal dieselfde, ongeag hul toestand. Met ander woorde die armes en die rykes is, byvoorbeeld, presies dieselfde, tensy daar ’n transformasie in hul harte plaasvind. As ’n man arm en boos is, sal hy nie anders wees wanneer hy ryk word nie. In sy armoede het hy nie die hulpbronne gehad om die boosheid in sy hart uit te voer nie. So, wanneer hy ryk word is hy in staat om die boosheid in sy hart met sy hulpbronne uit te voer.

Geld vergroot karakter. Mense voer bloot die goeie of slegte in hul harte uit, na gelang van hul hulpbronne. Jesus het gesê: “’n Goeie boom kan nie anders as om goeie vrugte te dra nie en ’n slegte boom kan nie anders as om slegte vrugte te dra nie…” (Matteus 12:33 NLV). Dit beteken mense tree nie anders op as hoe hulle van binne is nie. So, wat wil God hê? Hy verlang ’n verandering in jou hart – ’n transformasie van binne.

Dit is waarom Hy eers sy Koninkryk in jou hart oprig. Hy sit eers sy liefde in jou hart. Jou hart is waar Hy wil werk. Dit is waar al sy seëninge is. Dan kan dit, vanuit jou hart, uitvloei na ander. Omdat jy wedergebore is, het jy die lewe en natuur van God in jou hart en nou, in Christus, is jy ’n lewe-gewer.

Die transformasie en sigbare heerlikheid in jou siel en liggaam is die gevolg van die impak van die lewe en natuur van God in jou gees. In ons temavers sê: “My seun, maak jou hart vir my oop….” As jy nog nooit wedergebore is nie is dit nou jou oomblik! Gee Hom jou hart. Blaai na die Gebed van Verlossing en bid daardie gebed uit die diepte van jou hart.

GEBED

Liewe Vader, dankie dat U die Koninkryk in my hart oprig. Met my hart bedink en verstaan ek die realiteite van die evangelie en van ons Koninkryklewe. Ek bid vir die verlorenes regoor die wêreld, dat hul harte oop sal wees om die evangelie te ontvang en hulle gered sal word; dat die krag van God vir verlossing hul harte sal omvou, sommer nou, in Jesus Naam. Amen.

VERDERE STUDIE:

Lukas 6:45; Hebreërs 10:22

1 JAAR BYBELLEES-PLAN

2 Korinthiërs 13:1-14 & Prediker 6-8

2 JAAR BYBELLEES- PLAN

1 Timótheüs 1:15-20 & Jeremia 32