DAGSTUKKIES UIT DIE BYBEL:
PASOP VIR VALSE LERAARS

BUT ALSO [in those days] there arose false prophets among the people, just as there will be false teachers among yourselves, who will subtly and stealthily introduce heretical doctrines (destructive heresies), even denying and disowning the Master Who bought them, bringing upon themselves swift destruction (2 Petrus 2:1 AMPC).

Net soos daar valse broers en valse profete is wat probleme veroorsaak in die huis van God, is daar ook vals leraars. Dit is mense wat hulself die bediening van leraar toe-eien, al is hulle nie geroep om leraars te wees nie; wat hulself aan demone blootstel en vals leerstellings verkondig. Hulle breinspoel met foute, gewoonlik geïnspireer deur die gees van misleiding.

Sommige valse leraars leer byvoorbeeld dat die wederkoms van Christus alreeds plaasgevind het en mislei baie mense. Sommige ander meen die bediening van die Heilige Gees het by die apostels geëindig. Sommige kom met droomuitleggings en vertel vir mense hoe verskillende slaapposisies hul drome beïnvloed en leer wat die gevolge is daarvan om te eet in drome.

Sommige gaan so ver as om vir jou te sê dat dit ’n familielid van jou is wat verantwoordelik is vir jou lewensprobleme en skep so vyandskap tussen familielede. Tog sê die Bybel dat ons stryd nie teen mense is nie (Efesiërs 6:12). Maar ongelukkig word sommige mense mislei deur sulke valse leringe.

Dit laat my dink aan Jesus se woorde toe Hy gesê het: “Julle probleem is dat julle nie die Skrif ken nie…” (Matteus 22:29). Ken self die Woord en niemand sal jou mislei nie. Maak die bestudering van die Skrif ’n prioriteit in jou lewe. Die Heilige Gees maak jou hart oop vir sy waarhede en sy wil en jy kan alles beproef (maar ondersoek alles wat gesê word en behou wat goed is) (1 Tessalonisense 5:21), elke gees toets (1 Johannes 4:1) en die woord van die waarheid reg uitlê (2 Timoteus 2:15).

GEBED

Dierbare Vader, dankie vir u Woord waarmee ek my pad deur die lewe vind. Ek gee myself oor aan u Gees, wat my waarborg is vir ’n lewe van onbeperkte potensiaal en eindelose moontlikhede. Ek kan nie mislei word nie, want ek is ’n kind van God. Ek vervul u bestemming in my lewe, omdat ek vertroud is met u Woord wat my lig en my verlossing is, in Jesus se Naam. Amen.

VERDERE STUDIE:

2 Petrus 2:3 MSG; 1 Timótheüs 4:1-2