DAGSTUKKIES UIT DIE BYBEL:
DIE WEGRAPING IS NADER AS OOIT

Daarna sal ons wat bly lewe het, saam met hulle op wolke die lug in weggevoer word om die Here te ontmoet en vir altyd by Hom te wees (1 Tessalonisense 4:17).

Deur die Gees het die apostel Paulus die openbaring van die Wegraping van die kerk en gesê: “Ek wil aan julle ’n diep waarheid vertel…” (1 Korintiërs 15:51). Dit is waarom baie mense nie die Wegraping verstaan nie; dit is ’n raaisel; ’n goddelike openbaring. Hy het gesê: “Ek wil aan julle ’n diep waarheid vertel wat God aan ons bekendgemaak het. Dit is dat ons nie almal sal sterf nie, maar ons almal sal verander word. Dit sal dadelik, ja, in ’n oogwink gebeur, wanneer die laaste trompet weerklink. Want as die trompet sy klank laat hoor, sal die dooies met onverganklike liggame opgewek word. En dan sal ons ook verander word” (1 Korintiërs 15:51-52). Die onderstreepte gedeelte wys hoe vinnig die Wegraping sal plaasvind; dit sal so vinnig wees dat daar nie tyd sal wees vir diegene wat nie gereed is nie, want dit is iets waarvoor jy jou hele lewe lank moes voorberei het.

In ons tema-vers vind ons ’n uitdrukking wat sinoniem is met die term ‘Wegraping’; dit is die frase ‘weggevoer’ wat van die Griekse woord ‘harpaz’ kom. Dit beteken om met geweld te gryp, te vang (weg, op), pluk, trek, neem.

Tydens die Wegraping sal dit nie saak maak waar jy is nie; die krag van God sal jou wegneem uit hierdie wêreld uit. Christene wat gesterf het, sal opgewek word en saam met hulle sal ons in die wolke weggevoer word om die Here te ontmoet. Wat ’n dag sal dit wees!

Wanneer gaan dit plaasvind? Dit is nader as ooit; dit sal binnekort gebeur. Jou verantwoordelikheid is om voorbereid te wees, deur jou lewe elke dag vir die Here te leef. Hou aan om in liefde te wandel en hou jou geloof geaktiveer om weggeraap te word na die Here toe wanneer Hy verskyn.

Die Bybel sê dat Hy kom vir ’n kerk sonder vlek, rimpel, letsel, of enige so iets (Efésiërs 5:27). Leef elke dag, elke oomblik van jou lewe in sy geregtigheid en produseer werke en vrugte van geregtigheid.

BELYDENIS

Die Here Jesus kom vir ’n kerk sonder vlek, rimpel, letsels, of so iets en ek is gereed. My geloof is geaktiveer om weggeraap te word om vir ewig by die Here te wees! Maar in afwagting van hierdie glorieryke ‘wegraping’, draai my lewe en passie oor sy koninkryk en die uitbreiding daarvan en deur my word baie meer mense opgeteken vir die Wegraping, in Jesus se Naam. Amen.

VERDERE STUDIE:

1 Thessalonicense 4:16-17; 1 Johannes 2:28; Matthéüs 24:27