DAGSTUKKIES UIT DIE BYBEL:
BLY GETROU AAN DIE EVANGELIE

In alles word ons verdruk, maar ons is nie terneergedruk nie; ons is verleë, maar nie radeloos nie (2 Korintiërs 4:8).

Die Christenskap wat ons vandag geniet, het nie op ’n goue skinkbord na ons toe aangekom nie. As jy oor christelike martelare lees, sal jy vind dat baie mense doodgemaak is, onthoof is, weens hul getuienis van Christus. By een geleentheid is meer as ses-duisend mans, soldate, afgemaai vir hul geloof in Jesus Christus. Hulle het die evangelie met hul hele hart geglo en niks het hulle verhinder om dieselfde geloof wat hulle ontvang het, aan die volgende geslag oor te dra nie.

Al die vryheid wat jy vir jare lank geniet om die Here te aanbid, Hom in die kerk te prys, samekomste by te woon en deel te neem aan lewensveranderende vergaderings, is gekoop met die diep stryd, gebede, bloed, sweet, trane, geloof, vasberadenheid en passie van ander mans en vroue wat hul lewens vir die evangelie opgeoffer het. Hulle is nie net vervolg nie, baie is lewend begrawe. Sommige is middeldeur gesaag; wreedaardig vermoor, vir hul geloof in Jesus Christus.

Die vervolging van Christene vind vandag nog in verskillende lande plaas. Sommige lande het konsentrasiekampe waar Christene wrede, boosaardige behandeling verduur vir hul geloof in Jesus. ’n Baie onlangse verslag toon amptelik dat Christene die mees vervolgde groep mense ter wêreld is.

Ek bring jou hierdie boodskap, sodat jy kan verstaan dat die geloof wat ons in Jesus Christus het, die boodskap van Christus wat ons geglo het, alles die moeite werd is. Ondanks die vervolging het diegene voor ons hul geloof gehandhaaf en aan die evangelie getrou gebly. Dit moet en behoort dieselfde te wees in ons tyd.

Dit maak nie saak wat in jou stad of land gebeur nie, bly getrou aan Christus. Moenie wankel nie. Soos ons in die temavers lees, gee ons nie moed op nie; ons gooi nie tou op nie. Verkondig die Woord binne en buite seisoen. Niks moet skrikwekkend, of intimiderend genoeg wees om jou stil te maak nie, want Hy wat in jou is, is groter as al die teëstanders en teenspoed in die wêreld. Halleluja!

BELYDENIS

Ongeag die verdrukking, nood, vervolging, of gevaar in hierdie wêreld, is ek meer as ’n oorwinnaar deur Hom wat my liefgehad het – Christus Jesus, my Here! Ek is oortuig daarvan dat nóg die dood, nóg die lewe, nóg engele, of owerhede, of magte, absoluut niks my kan skei van die liefde van God wat in Christus Jesus is nie. Ek bly standvastig, onbeweeglik, altyd oorvloedig in die werk om die evangelie na die uithoeke van die aarde te versprei. Amen.

VERDERE STUDIE:

Romeine 8:35-39; 1 Thessalonicense 3:7-8 NLT