DAGSTUKKIES UIT DIE BYBEL:
ONTDEK JOUSELF IN HOM

Jesaja gaan selfs verder. Dáár sê God: Ek is gevind deur mense wat nie na My gesoek het nie; Ek het Myself bekendgemaak aan mense wat nie na My gevra het nie (Romeine 10:20).

Jy mag sê: “Maar Jeremia 29:13-14 sê: “As julle heelhartig na My soek, sal julle My vind. Julle sal My toeganklik vind,” sê die Here. “Ek sal julle uit gevangenskap laat terugkeer. Ek sal julle versamel tussen al die nasies waar julle nou is en uit al die plekke waarheen Ek julle verban het,” sê die Here. “Ek sal julle weer terugbring na die plekke waarvandaan Ek julle in ballingskap laat gaan het.” Hierdie skrif is nie vir die Christen nie. As jy wedergebore is, is jy nie in gevangenskap nie. Jeremia het na Israel verwys. Moenie ’n Ou Testamentiese lewe in die Nuwe Testament lei nie. Hou op om na God te soek! Hy woon in jou.

Kolossense 2:6 sê, as ons Christus Jesus die Here ontvang het, moet ons in Hom bly woon. Daarom soek ons nie na Hom nie; ons het Hom. Ons is suksesvol, want ons is uit Hom gebore, in sy teenwoordigheid. Ons probeer nie by sy teenwoordigheid indruk nie.

Christenskap gaan nie daaroor om in God se teenwoordigheid in te druk nie; Christenskap dra God se teenwoordigheid. Jy is sy lewende tent van getuienis. As jy enige plek aankom, arriveer God se teenwoordigheid! Jy is “die teenwoordigheid.” Halleluja! Paulus het gesê dat ons die geur van sy kennis oral openbaar (2 Korintiërs 2:14). Wanneer jy opdaag, verskyn Hy, want jy is één met Hom.

Die oomblik wanneer jy dit besef, is jou soektog verby. Van daardie oomblik af verander jou aanbidding; jou gebedslewe verander; jou geloofslewe verander; alles verander! Jy sal agterkom dat jy vier en twintig uur per dag, elke dag van jou lewe in vervulling leef en Hom in alles behaag. Geseënd is sy Naam vir ewig!

GEBED

Dierbare Vader, dankie dat U alles wat ek ooit in die lewe nodig sou hê, in Christus is en Christus is in my, en om Christus te hê, is om alles te hê. Dankie vir die voorreg om lid te wees van sy liggaam, van sy vlees en van sy gebeente! Christus in my is my versekering van ’n lewe van voortdurende oorwinning en ewige sukses. Halleluja!

VERDERE STUDIE:

1 Korinthiërs 6:17; Kolossense 1:27