DAGSTUKKIES UIT DIE BYBEL:
BID VIR GOD SE MENSE WAT IN NOOD IS

VERDER, broeders, bid vir ons dat die woord van die Here sy snelle loop mag hê en verheerlik word net soos by julle (2 Tessalonisense 3:1).

In Handelinge 12:1-2 sê die Bybel: “EN omtrent daardie tyd het koning Herodes sy hande geslaan aan sommige uit die gemeente om hulle kwaad aan te doen. En hy het Jakobus, die broer van Johannes, met die swaard omgebring” (Handelinge 12:1-2). Toe die Kerk hoor dat Jakobus gearresteer is, moes hulle gedink het: “Jakobus gearresteer? Hy sal niks oorkom nie; hy is ’n man van geloof.” Maar toe Jakobus doodgemaak word, het hulle wakker geskrik. Waar was God? Hoe kon God toelaat dat dit gebeur? Het party mense dalk gewonder, terwyl hulle probeer om God die skuld te gee. Maar dis nie God wat toelaat dat sulke dinge gebeur nie. Jesus het gesê:

“En in daardie dag sal julle My niks vra nie. Voorwaar, voorwaar Ek sê vir julle, alles wat julle die Vader sal vra in my Naam, sal Hy julle gee” (Johannes 16:23).

In Matteus 28:18 het Hy verklaar: “Aan My is gegee alle mag in die hemel en op aarde” en op grond van daardie gesag het Hy gesê: “Gaan dan heen, maak dissipels van al die nasies…” (Matteus 28:19). Jesus het ons sy gesag gegee; Hy het ons sy Naam gegee. So, dit was nie Jesus wat toegelaat het dat hulle Jakobus doodmaak nie; dit was die Christene wat nie hulle werk gedoen het deur hul gesag uit te oefen in gebed nie.

Toe Petrus volgende gearresteer is, sê  die Bybel dat hulle (die kerk) sonder ophou gebid het; God het ingegryp en Petrus is vrygelaat (Handelinge 12:5). So, elke keer wanneer jy bid, maak jy dit vir God “wettiglik” moontlik om in te gryp op maniere wat Hy nie sou nie, as jy nie gebid het nie.

Dit is waarom ons moet bid vir dienaars van die evangelie en vir die vooruitgang van die bediening van versoening in hierdie eindtyd. Die Apostel Paulus het aan die Christene in Kolosse geskryf: “en bid tegelykertyd ook vir ons, dat God vir ons die deur van die woord mag open om te spreek van die verborgenheid van Christus, waarvoor ek ook in boeie is” (Kolossense 4:3). Aangesien God reeds vir hulle gesê het om die evangelie te verkondig, waarom moes hulle bid vir God om die deur van die woord oop te maak? Dit wys ons dat daar vyande in die wêreld is. So, bid altyd vir Christus se kerke regoor die wêreld.

Verskeie verslae bevestig dat Christene die mees vervolgde groep in die wêreld is. Baie verkeer in erge benoudheid en verduur die mees onmenslike behandeling as gevolg van hul geloof in Jesus Christus. Deur jou gebede sal hulle versterk word; die Here sal intree in hulle situasies en daar sal verandering kom.

GEBED

Liewe Vader, ek bid vir die dienaars van die evangelie van God se mense regoor die wêreld, dat hulle krag nie sal ingee nie. Ek bid teen mense en situasies wat die vervolging van Christene aanwakker en die verspreiding van die evangelie verhinder; ons sny daardie magte se invloed af en verklaar dat hul pogings vergeefs is. Ten spyte van hulle versprei die evangelie vinnig met die spoed van die Gees en heers, in Jesus se Naam. Amen.

VERDERE STUDIE:

2 Thessalonicense 3:1-2; Romeine 15:30-32