DAGSTUKKIES UIT DIE BYBEL:
BLY GEFOKUS OP DIE WEGRAPING

En nou, my kinders, bly in Hom, sodat ons vrymoedigheid kan hê wanneer Hy verskyn en nie beskaamd van Hom weggaan by sy wederkoms nie (1 Johannes 2:28).

Die wegraping van die Kerk is nader as ooit.Ons is in die laaste oomblikke of finale “tye die tekens” van die Here se koms. Dis belangrik dat jy gereed is vir Hom. 1 Tessalonisense 4:16-17 sê die wat “in Christus” gesterf het, sal eerste opstaan en die wat in die lewe oorbly sal saam met hulle in wolke weggevoer word die Here tegemoet in die lug.

Die vraag is: Is jy in Christus? Indien jy is, dan is jy een van die vele wat die Here na Hom toe neem. As jy egter nie is nie, moet jy dadelik jou hart vir Christus gee deur sy Heerskappy oor jou lewe te bely. Die Bybel sê: “…so sal Christus ook, nadat Hy een maal geoffer is om die sondes van baie weg te neem, vir die tweede maal sonder sonde verskyn aan die wat Hom verwag tot saligheid” (Hebreërs 9:28).

Handelinge 1:9-11 vertel ons van sy hemelvaart. Terwyl die dissipels nog stip na die hemel staan en kyk het terwyl Hy weggaan, het twee engele aan hul verskyn en gesê: “…Hierdie Jesus wat van julle opgeneem is in die hemel, sal net so kom soos julle Hom na die hemel sien wegvaar het” (Handelinge 1:11). Hierdie is die rede waarom ons die evangelie regoor die wêreld versprei. Die wêreld het nodig om te weet dat die wegraping van die kerk op hande is; die Meester kom binnekort.

Hy het in Johannes 14:3 gesê: “…Ek (kom) weer en sal julle na My toe neem, sodat julle ook kan wees waar Ek is.” Die Apostel Petrus, verwysend na die dag van die Here en die gebeure wat sy koms sal aankondig, het gesê: “Maar die dag van die Here sal kom soos ‘n dief in die nag, waarin die hemele met gedruis sal verbygaan en die elemente sal brand en vergaan, en die aarde en die werke wat daarop is, sal verbrand. Terwyl al hierdie dinge dan vergaan, hoedanig moet julle nie wees in heilige wandel en godsvrug nie?” (2 Petrus 3:10-11).

Bly gefokus op die wegraping. Leef elke dag soos een wat die Meester verwag; dra te alle tye daardie bewustheid in jou hart. Wandel in liefde. Wandel in geregtigheid. En terwyl jy jouself voorberei, help die mense om jou om ook gereed te wees deur hul God se Woord te leer.

GEBED

Ek is waaksaam in die gees, ywerig vir goeie werke en ek word aangedryf deur die Meester se liefde, sy Woord en my verwagting dat Hy binnekort weer sal kom. Ek is heeltemal oortuig dat die evangelie God se reddende krag is vir elkeen wat glo; ek is vasberade in my strewe vir die siele van mense. Terwyl hierdie heerlike evangelie regoor die wêreld verkondig word, word baie mense vandag uit die koninkryk van die duisternis weggeruk tot in die glorieryke vryheid van die seuns van God. Halleluja!

VERDERE STUDIE:

Matthéüs 24:14; Romeine 13:11-14