DAGSTUKKIES UIT DIE BYBEL:
FOKUS DAAROP OM SY DROOM TE VERVUL

Hou op om die dinge van die wêreld lief te hê. As iemand die wêreld lief het is hy beslis nie ook lief vir die Vader nie. Wat ook al in die wêreld bestaan, alles wat tipies is van die menslike begeerte, die begeerte vir alles wat die oog sien en die vals roem op besittings, kom nie van die Vader nie, maar het sy oorsprong in die wêreld (1 Johannes 2:15-16 NLV).

Daar bestaan geen twyfel dat die Here se koms nader is as ooit. Maar die Bybel sê: “…Die Dag van die Here sal nie aanbreek voordat die opstand eers gekom en die wettelose mens, die mens wat vernietiging bring, na vore getree het nie” (2 Tessalonisense 2:3 NLV). Die Amplified Classic Bible stel dit so: “…for that day will not come except the apostasy comes first [unless the predicted great falling away of those who have professed to be Christians has come], and the man of lawlessness (sin) is revealed, who is the son of doom (of perdition).”

Dit beteken daar sal mense wees wat die geloof bely het — Christene geword het — maar sal wegval van die geloof, daar sal ’n afvalligheid wees—mense wat hul geloof in Jesus prysgee, uit eie keuse. Dit is alreeds besig om te gebeur en die hoofrede daarvoor is die sorge van die wêreld; die bedrieglikheid van rykdom en die begeerte na ander dinge. So, waarna kyk God en hoe moet jy wandel in hierdie eindtyd? Watter keuses moet jy maak?

Sy raad lees ons in die openingsvers. Bly in Christus! Fokus op die dinge van die Koninkryk en nie op die vlietende plesier van die wêreld nie. Kolossense 3:1-2 (AFR83) sê dit so mooi: “Aangesien julle saam met Christus uit die dood opgewek is, moet julle strewe na die dinge daarbo waar Christus is, waar Hy aan die regterhand van God sit.”

Fokus jou energie daarop om God se droom te vervul. Sy visie van die uitbreiding van die Koninkryk en wêreld-evangelisasie. Weier om een van hulle te wees wat vasklou aan die dinge van die wêreld, slegs besorg oor jou persoonlike aanwins en gerief. Verower deur die gees van die wêreld. Jesus het gesê: “Wat sal dit jou tog help as jy alles in die lewe bereik, maar jou diepste menswees ly skade?” (Markus 8:36 NLV). Dit is so belangrik dat jy jou lewe lei, gevestig in Christus — diep gewortel en gevestig in Hom. Bly standvastig en bly staande; doen die Here se werk met vreugde. Halleluja!

BELYDENIS

Liewe Vader, dankie dat U my geroep het met ’n heilige roeping en dat U my innerlike krag gee om te lewe vir U. Ek is diep gewortel en gegrond in Christus. Ek het die vlees met sy hartstogte en begeertes gekruisig. My enigste passie is die uitbreiding van die Koninkryk, die verkondiging van Christus se liefde en sy redding tot aan die uithoeke van die aarde. Halleluja!

VERDERE STUDIE:

Openbaring 3:11-13