DAGSTUKKIES UIT DIE BYBEL:
DAAR IS VALSE BROEDERS

En dit vanweë die ingesmokkelde valse broeders wat ingesluip het om ons vryheid te bespied wat ons in Christus Jesus het, sodat hulle ons in diensbaarheid kon bring (Galasiërs 2:4).

Die Bybel vertel ons van die volgende drie groepe: valse leraars, valse profete en valse broeders. Dit wys ons ook duidelik wat die verskillende dinge is wat hulle in die eindtyd doen. Kan daar werklik valse broeders in die Kerk wees? Definitief! Valse broeders is hulle wat tussen God se mense inkom, nie uit hulle liefde vir Jesus Christus nie, maar met ’n ander doel.

Ons openingsvers sê dat hulle onverwags inkom om ons vryheid in Christus Jesus te bespied, sodat hulle ons in slawerny kan bind. Hulle hou ’n valse beeld voor om voordeel te trek. Die Bybel sê: “…en uit hebsug sal hulle met verdigte woorde voordeel uit julle trek…” (2 Petrus 2:3).

Valse broeders soek altyd na maniere om geld te maak uit hulle broers. Hulle is egter diegene wat nooit hulle tiendes of offerande gee in die kerk nie. Hulle doel is om ‘verbruiksartikels’ te maak uit die broers. Hulle sal enigiets doen vir geld, ook die pastoor, leiers, of selfs die Kerk te verraai. Dit is hulle wat die kerk se sake openbaar maak, of aan gesaghebbendes, of media bekend maak, om geldelike gewin. Die Bybel sê hulle is tussen ons om op ons te spioeneer, hopende om iets te kry om ons van aan te kla.

Dit mag dalk nie so eenvoudig wees om die valse broeders te identifiseer nie, weens hulle pretensieuse optrede. Maar Jesus sê: “So sal julle hulle dan aan hul vrugte ken” (Matteus 7:20). Een van die identifiserende tekens van valse broeders is dat hulle gesag teenstaan. Hulle sal probeer om ander te oorreed om nie alles te glo wat die pastoor, of leiers van die kerk, sê nie. Indien hulle hoor dat jy pastorale raad wil kry vir iets persoonliks, byvoorbeeld, sal hulle probeer om die idee af te maak en jou naïef te laat voel.

God se raad aan ons oor valse broeders is dat ons hulle moet merk en nie met hulle moet assosieer nie, weens hulle korrupte assosiasies. Menige ware Christene het weggeval van die geloof weens sulke onegte assosiasies. Doen dus wat die Woord sê: “… onttrek aan elke broeder wat onordelik wandel…” (2 Tessalonisense 3:6).

GEBED

Dankie Here dat ek deur die Gees hierdie foutiewe gees kan identifiseer en met wysheid optree. Die Woord lei my op die regte weë en in al my verhoudings. Ek word gelei in die rigting van u perfekte wil vir en doel met my lewe, in Jesus se Naam. Amen.

VERDERE STUDIE:

2 Johannes 1:9-10; 2 Thessalonicense 3:6 AMPC