DAGSTUKKIES UIT DIE BYBEL:
HY WEET WAAR JY IS

Kom en geniet saam met ons die Dagstukkies uit die Bybel vandag, Suid Afrika. Die Goeie Nuus  Bybel vers vir vandag en Bybelstudie kom uit  die Rhapsody van Realiteite van Pastoor Chris Oyakhilome, die wêreld se #1 Dagstukkie:

“Toe antwoord hy en sê vir my: Dit is die woord van die HERE aan Serubbábel, naamlik: Nie deur krag of deur geweld nie, maar deur my Gees, sê die HERE van die leërskare” (Sagaria 4:6).

‘n Sekere man het ‘n winkel in ‘n landelike gebied gehad. Op ’n stadium wou hy ook, sy vriende, stad toe trek. Maar eendag, terwyl hy bid, hoor hy by die Here sê: “Bly hier.” En hy bly toe. Twee jaar later word ’n kontrak deur die regering geteken om die pad in die area te ontwikkel.

Die pad is gebou en ontwikkel en ’n nuwe dorp vol uitgewekenes is in die area gevestig. Sy winkel word toe dié strategiese hoekwinkel waar almal kom koop. Skielik begin sy besigheid floreer, omdat dit die enigste winkel in die area was. En sommer gou was dít wat geleë was in ’n vervalle systraatjie, ’n vername handelshuis waar almal besigheid kom doen het. Meeste van sy vriende wat stad toe getrek het, het begin terugkom, maar hy het reeds die grootste aandeel in die mark gehad. ’n Paar jaar later het hy sy besigheid uitgebrei na ’n reeks groot kettingwinkels.

Dit maak nie saak wie jy is nie, God weet van jou en sal sy genade in jou rigting kanaliseer solank jy net in sy Woord bly. Ons temavers sê: “Nie deur krag of deur geweld nie, maar deur my Gees, sê die HERE van die leërskare.” Waar ook al Hy vir jou sê om te bly, is waar jy moet wees. Hy het vir Isak gesê om in Gerar te bly alhoewel ander weggetrek het as gevolg van die hongersnood. Die Bybel sê: “So het Isak dan in Gerar gebly” (Genesis 26:6). Hy was op God se plek, in God se tyd, vir God se doeleindes, op God se manier.

Lees bietjie in die 12e vers wat die resultaat van Isak se gehoorsaamheid was: “Isak het toe in dié land gesaai en daardie jaar honderdvoudig gewen, want die HERE het hom geseën.” Die man het by God gehoor en dit het sy lewenskoers verander. Dit word die seën van God genoem! Moenie van werk of besigheid verander net omdat jy dink die veld, of weiding is groener aan die ander kant nie. Hoor by God. Wees gelei deur die Heilige Gees. Dit is die weg tot ware sukses en vordering van heerlikheid tot heerlikheid.

GEBED

Regverdige Vader, dankie vir die leiding van u Woord en u Gees in my lewe. U lei my gedurig, versadig my siel in tye van droogte en maak my bene vet. Ek wandel volgens u instruksies en beginsels en vervul my doel terwyl ek grootheid, voorspoed, sukses en oorwinning openbaar, in Jesus se Naam. Amen.

VERDERE STUDIE:

Psalm 32:8; Spreuke 3:5-6; Jesaja 30:21