DAGSTUKKIES UIT DIE BYBEL:
JESUS – DIE LEWENDE WOORD

In die begin was die Woord, en die Woord was by God, en die Woord was God. Hy was in die begin by God. Alle dinge het deur Hom ontstaan, en sonder Hom het nie een ding ontstaan wat ontstaan het nie (Johannes 1:1-3).

Geen ander apostel het vir ons die openbaring van die Kerk gegee, soos Paulus nie, so ookhet niemand die openbaring van die Persoon van Jesus, die lewende Woord, vir ons gegee soos Johannes nie. Hy vertel ons die verhaal van die Woord en begin by die begin. In Johannes 1:10-14 sê hy: “Hy was in die wêreld, en die wêreld het deur Hom ontstaan, en die wêreld het Hom nie geken nie…En die Woord het vlees geword en het onder ons gewoon — en ons het sy heerlikheid aanskou, ’n heerlikheid soos van die Eniggeborene wat van die Vader kom — vol van genade en waarheid.” Halleluja! Wie was in die wêreld wat die wêreld nie geken het nie?

Jy mag dalk antwoord: “Jesus!” maar Johannes het nie Jesus gesê nie; hy het na die Woord verwys. Lees weer vers 14, dit sê: “En die Woord het vlees geword en het onder ons gewoon…” Johannes onthul aan jou Jesus se oorsprong. Terwyl die ander evangelie-skrywers (Matteus en Lukas) hulle begin by Jesus se vroeë, aardse oorsprong, verklaar Johannes se evangelie dat Hy goddelik is en gee ons die eintlike oorsprong van die man, Christus Jesus – wie Hy werklik is.

Jesus Christus is die Woord wat die skepping voorafgegaan het en deur wie alles geskape is (Johannes 1:1-3). Sy geboorte was ’n wonder, want die skeppende Woord van God was in doeke toegevou; “die Woord” het gekom om by en tussen mense te wees! Dit is hoekom hulle hom Emmanuel (God met ons) genoem het (Matteus 1:23). Elke tree wat Jesus gegee het was die Woord van God in beweging; die verpersoonliking van die Woord. Ons sal meer hieroor leer in ons volgende Bybelstudie.

BELYDENIS

Geseënde Here Jesus, u is die ewige Rots, die enigste ware God! Die een deur wie alles geskape is. Hoe groot en glorieryk is U! U is die verpersoonliking van genade en waarheid; U is die Woord van lewe, die hoop van die wêreld en die lewende brood uit die hemel wat lewe gee aan elke mens in die wêreld. Geseënd is u Naam vir ewig!

VERDERE STUDIE:

Johannes 1:1-4 NIV; Johannes 1:10-14 NIV