DAGSTUKKIES UIT DIE BYBEL:
KYK VERBY JOU VERLEDE

Kom en geniet saam met ons die Dagstukkies uit die Bybel vandag, Suid Afrika. Die Goeie Nuus  Bybel vers vir vandag en Bybelstudie kom uit  die Rhapsody van Realiteite van Pastoor Chris Oyakhilome, die wêreld se #1 Dagstukkie:

“Vergeet al die dinge wat in die verlede gebeur het. Dis niks in vergelyking met wat Ek nou gaan doen nie. Ek gaan iets nuuts doen” (Jesaja 43:18-19).

Baie mense brom en kla oor hul verlede, swaar belas deur die foute van gister, in plaas om na die toekoms te kyk met die hoop en geleenthede wat dit bied vir groter sukses. Dit maak geen verskil wat gister vir jou gesê, aan jou gedoen of oor jou geskryf is nie; sien jou blink en heerlike toekoms wat voorlê. Fokus op die hede en die toekoms.

Die mense wat in gister woon, is dikwels gefrustreerd en kan nie ware vreugde ervaar nie. Weier in jou verhoudings om te konsentreer op die foute en bekommernisse van gister. Daar is geen skoonheid of heerlikheid in gister nie; weier daarom om jou lewe te lei op grond van gister se ervarings.

Iemand kan sê: “Noudat ek hierdie nuwe werk het, wil ek nie hê dat dit wat in die verlede met my gebeur het, weer moet gebeur nie. Ek gaan baie versigtig wees.” Dan, omdat hulle oorversigtig is, omdat hulle die negatiewe ervaring wat hulle in die verlede gehad het wil vermy, daal hul produktiwiteit onder hul ware vermoë. Hulle beste word nie gesien en gehoor nie, omdat hulle hul ervarings van die verlede toelaat om hulle lewens te oorheers.

Laat die Woord van God jou lei, nie jou vorige ervarings nie. Word geïnspireer deur die vreugde en inspirasie van ’n beter en glorieryke môre. Ons temavers sê: “Vergeet al die dinge wat in die verlede gebeur het.” Wat is daardie aaklige ervaring wat jy nie uit jou kop uit kan kry nie? Laat dit vaar!

Nóg die prestasies, nóg die mislukkings van gister behoort jou ’n gevangene van jou verlede te maak. Wees gewapen met die Woord en met geloof in jou hart; sien die heerlike toekoms wat die Here vir jou bepaal het en Hy sal nuwe en groter dinge deur jou doen.

GEBED

Liewe Vader, dankie dat U my gedagtes deur u Woord vernuwe het en my gees verlig het om my glorieryke toekoms te sien en daarin te wandel. Ek weier om teruggehou te word deur gister se ervarings, want my pad is soos ’n brandende lig wat helderder en helderder skyn, tot U eer, in Jesus se Naam. Amen.

VERDERE STUDIE:

Jesaja 43:18-19 NIV; Filippense 3:13-14