DAGSTUKKIES UIT DIE BYBEL:
OM ANGSTIGHEID TE OORWIN

Kom en geniet saam met ons die Dagstukkies uit die Bybel vandag, Suid Afrika. Die Goeie Nuus  Bybel vers vir vandag en Bybelstudie kom uit  die Rhapsody van Realiteite van Pastoor Chris Oyakhilome, die wêreld se #1 Dagstukkie:

“Moet oor niks bekommerd wees nie, maar bid oor alles. Vra alles wat julle nodig het van God, terwyl julle Hom ook dank vir alles wat Hy doen” (Filippense 4:6).

Baie mense regoor die wêreld is vandag baie bang, nie net oor die toekoms nie, maar selfs oor die hede. Daar is vrees en verskrikking, maar die woord ‘skrik’ is niks nuuts nie. As jy die Bybel bestudeer sal jy verbaas wees hoeveel keer dit oor verskrikking praat. Nietemin het Jesus ons verseker van oorwinning oor alle krisisse. Hy het in Johannes 16:33 gesê: “…In die wêreld sal julle swaarkry beleef, maar skep moed: Ek het die wêreld reeds oorwin.”

Jy hoef oor niks angstig of paniekbevange te raak nie; jy het reeds die Satan, die wêreld en alle krisisse oorwin: “Julle is egter van God afkomstig, my kinders, en julle het hulle reeds oorwin omdat die Gees wat in julle woon, magtiger is as die gees wat in die wêreld woon” (1 Johannes 4:4). Hou dus op vrees. Hou op angstig wees. Angs verwys na bekommernis; dit is ’n toestand van senuweeagtigheid. Maar ons temavers sê: “Moet oor niks bekommerd wees nie…”

As jy sê: “Maar ek kan nie help om bekommerd te wees nie,” beskuldig jy God daarvan dat Hy vir jou lieg. Jy beskuldig Hom dat Hy jou gevra het om iets te doen wat jy nie kan doen nie. Die feit dat Hy sê: ‘Moenie angstig wees nie’, beteken dat jy sonder angs kan leef. Jou antwoord moet dus wees: “Prys die Here! Ek leef in Christus se vrede en voorsiening; ek is nie angstig nie! Hy het alles aangaande my vervolmaak. Halleluja!” Dit is hoe jy op God reageer.

Weier om angstig te wees oor jou seun, jou dogter, jou man, jou vrou, jou broer, jou suster, jou huishuur, jou gesondheid, jou werk, besigheid, opvoeding, of oor enige iets. As jy dit doen, sê die Bybel, dat die vrede van God wat menslike verstand te bowe gaan, jou hart en siel sal bewaak, in Christus Jesus (Filippense 4:7).

GEBED

Liewe Heer, dankie vir u Woord wat geloof in my hart opwek en vrees en angs verdryf. Ek verwerp alle gedagtes van vrees, want ek is beskerm teen die pyn en duisternis in die wêreld. Groter is Hy wat in my is, as hy wat in die wêreld is. Ek is vol van krag deur die Gees van die Here, want die vrede van God wat alle verstand te bowe gaan, bewaak my hart en gedagtes in Jesus se Naam. Amen

VERDERE STUDIE:

Deuterónomium 31:6; 2 Timótheüs 1:7; Matthéüs 6:25-26 (AMPC)