DAGSTUKKIES UIT DIE BYBEL:
ONS IS KONING-PRIESTERS

En ons gemaak het konings en priesters vir sy God en Vader, aan Hom die heerlikheid en die krag tot in alle ewigheid! Amen (Openbaring 1:6).

Die frase “konings en priesters” in die bogaande Skrifgedeelte word ook in ander vertalings as “’n koninkryk van priesters” vertaal, maar nie een van die twee is heeltemal akkuraat nie. Die leser is geneig om die aanname te maak dat “’n koninkryk van priesters” verwys na ’n koninkryk waar daar priesters is. Maar die korrekte vertaling vanuit Grieks is “koningpriesters”. Hy het ons koning-priesters gemaak, wat ’n vervulling van profesie is dit nie!

In Eksodus 19:5-6 het God vir die kinders van Israel gesê: “As julle dan nou terdeë na my stem luister en my verbond hou, sal julle my eiendom uit al die volke wees, want die hele aarde is myne. En júlle sal vir My ’n koninkryk van priesters en ’n heilige nasie wees. Dit is die woorde wat jy aan die kinders van Israel moet meedeel.” Die woord “koninkryk” is die woord “koninklike.” So, toe God vir die Israeliete gesê het: “Ek gaan julle ’n koninkryk van priesters maak,” het Hy bedoel: “Julle sal koninklike priesters of koningpriesters wees.”

Petrus het geweet dat die vervulling van daardie profesie in Christus Jesus plaasgevind het. Die Bybel sê: “Want hoeveel beloftes van God daar ook mag wees, in Hom is hulle ja…” (2 Korintiërs 1:20). So daarom, so ver dit God aanbetref, het Hy ’n koninkryk van priesters, ’n heilige nasie: “But you are a chosen race, a royal priesthood, a dedicated nation, [God’s] own purchased, special people, that you may set forth the wonderful deeds and display the virtues and perfections of Him Who called you out of darkness into His marvelous light” (1 Petrus 2:9 AMPC).

As  koning-priester,  is  jou  primêre verantwoordelikheid koninklike voorbede, met smeekbede en smekinge. God het jou die heerskappy en gesag gegee om die verloop van sake op aarde te verander, deur die Naam van Jesus te gebruik. So, kies nou God se kant en laat sy wil hier op aarde geskied; in jou familie, in die lewens van almal rondom jou, in jou stad en jou land. Leer om die invloed van God se krag op hulle te rig totdat jy ’n noot van oorwinning in jou gees ervaar. Halleluja!

GEBED

Dankie, liewe Heer, vir die teenwoordigheid van die Heilige Gees in my lewe, wat my help om my bediening van koninklike voorbidding as koningpriester te vervul en u wil en doel vir my familie, vriende, stad, nasie en die wêreld onthul en saam met U te staan om dit te laat geskied. Ek bid dat u Woord die oorhand sal kry in die lewens van mense, vir toenemende aktiwiteite van geregtigheid en dat u teenwoordigheid oral harte sal oordek, in Jesus se Naam. Amen.

VERDERE STUDIE:

Eségiël 3:17-21; 1 Timótheüs 2:1-2; Romeine 8:26-28