DAGSTUKKIES UIT DIE BYBEL:
REKEN JOUSELF LEWENDIG IN

Kom en geniet saam met ons die Dagstukkies uit die Bybel vandag, Suid Afrika. Die Goeie Nuus  Bybel vers vir vandag en Bybelstudie kom uit  die Rhapsody van Realiteite van Pastoor Chris Oyakhilome, die wêreld se #1 Dagstukkie:

“Want die dood wat Hy gesterf het, het Hy vir die sonde eens en vir altyd gesterwe; maar die lewe wat Hy leef, leef Hy vir God. So moet julle ook reken dat julle wel vir die sonde dood is, maar lewend is vir God in Christus Jesus, onse Here” (Romeine 6:10-11).

Die woord “reken” in die Skrif hierbo is “logizomai” in Grieks. Dit is ’n rekenkundige term. Dit beteken om iets te tel, of aan te teken dat dit so is; om die som te maak of te nommer. Markus 15:28 sê byvoorbeeld dat Jesus onder die oortreders ‘getel’ (gereken) is. Jesus was nie ’n oortreder nie en tog het Hy tussen twee diewe gesterf. Hy is onder die oortreders getel.

Nou sê die Bybel: “Ons is dus saam met Hom begrawe deur die doop in die dood, sodat net soos Christus uit die dode opgewek is deur die heerlikheid van die Vader, ons ook so in ’n nuwe lewe kan wandel” (Romeine 6:4). Toe Jesus gesterf het, het ons in en saam met Hom gesterf, omdat Hy in ons plek gesterf het. Hy was aan die kruis namens elkeen wat ooit hierdie wêreld binnegekom het en wat ooit hierdie wêreld sal binnekom.

Dit is waarna ons tema-vers verwys: “So moet julle ook reken dat julle wel vir die sonde dood is, maar lewend is vir God in Christus Jesus, onse Here.” Daarom kan jy nou verklaar: ‘Ek is dood vir die sonde en ek leef vir God!’ Dit moet jou konstante belydenis van die Woord wees. Jy voel miskien nie naby aan God nie, maar die vraag is: “Is jy wedergebore?” Indien wel, neem dit dan in ag, dink daaraan dat alles wat Jesus gedoen het vir jou was

In plaas daarvan om te sê: “Ek is so swak, ek is nie in staat om versoekings te weerstaan soos ander Christene nie,” ”reken” of beskou jouself as dood vir die sonde! Moenie dink, praat, of optree soos iemand wat met sonde sukkel nie. Verander jou denkwyse en aanvaar wat Jesus namens jou gedoen het. Hierdie ingesteldheid sal jou bemagtig om reg te leef!

Gebruik jou verstand! Onthou dat jy dood is vir die sonde. Laat dit nou jou mentaliteit wees. Dit is die praktiese manier om in ooreenstemming te wees met hoe God jou sien en hoe Hy oor jou dink. Jy was in Christus toe Hy gesterf het, jy was in Hom toe Hy begrawe is en jy was in Hom toe Hy jou uit die dood opgewek het. Hy sien jou nou lewendig in Hom. Prys die Here!

BELYDENIS

Ek is lewend vir God en ek behoort aan die Koninkryk van God se dierbare Seun, waar ek heers en regeer deur die krag van die Gees! Ek wandel in die voltooide werke van Christus, want ek is die direkte begunstigde van sy plaasvervangende offer. Ek is sterk, want Hy is sterk! En ek leef omdat Hy lewe! Geseënd is God.

VERDERE STUDIE:

Efésiërs 2:1; Romeine 6:4; Romeine 6:10-11 NIV