DAGSTUKKIES UIT DIE BYBEL:
VERSTAAN EN SPREEK DIE WOORD

My volk word verwoes omdat hulle My nie ken nie (Hosea 4:6 NLV).

Sommige Christene se ervaring in die lewe is in teenstelling met hul geloof en die Woord God. Byvoorbeeld: Hulle glo dalk dat hulle, as Christene, nie veronderstel is om onderdruk te word deur die Satan nie, tog ervaar hul sataniese aanvalle en manipulasie. Hulle glo dat hulle nie veronderstel is om siek te wees, of gebreke in hul liggame te hê nie. Tog ervaar hul selde goeie gesondheid. Iets is verkeerd.

Daar is twee belangrike areas om te ondersoek as daar teenstrydighede voorkom. Eerstens, akkurate begrip van die Woord. In Matteus 13 lê Jesus klem op die belangrikheid van begrip, deur middel van die gelykenis van die saaier (Matteus 13:3-9).

In sy interpretasie van die gelykenis het Hy verduidelik dat die saad wat langs die pad geval het diegene is wat die Woord van God hoor en dit nie verstaan nie. As gevolg van hul tekort aan begrip, kom die Satan dadelik en steel die Woord uit hul harte (Matteus 13:19). Akkurate begrip van die Woord is só belangrik. Wanneer jy die Woord verstaan, is jy in staat om dit reg toe te pas om die regte resultate te skep vir jou.   Spreuke 4:7 NLV sê: “…Die verstandigste ding om te doen, is om eers wysheid te bekom.”

Die tweede ding is jou kommunikasie – die woorde wat jy spreek. As jou woorde teenstrydig is met die Woord van God sal jou lewe, wat ’n uiterlike manifestasie van jou woorde is, ook teenstrydig wees. Dawid sê: “…my tong is soos die pen van ’n vaardige skrywer” (Psalm 45:1 NLV). Jou tong is die pen wat God se Woord op jou hart skryf. Wat jy sê, staan geskryf op jou hart en uit daardie oorvloed spreek jou mond.

Bestudeer en luister altyd na die Woord. Bombardeer jou gedagtes en jou gees met die Woord en spreek dan dienooreenkomstig! Jou lewe sal ’n openbaring wees van die Woord. Prys God!

BELYDENIS

Dit is my beskore om die Woord en die geheimenisse van die Koninkryk te verstaan. Selfs nou, is God se Woord effektief in my om voort te bring wat dit sê. Ek werk in heerlikheid en voortreflikheid om die genade van God te openbaar in my wêreld, in oorwinning, sukses en vooruitgang. Halleluja!

VERDERE STUDIE:

Josua 1:8; Markus 11:23; Handelinge 20:32; Efésiërs 1:17-18