DAGSTUKKIES UIT DIE BYBEL:
VOLMAAK EN VOLKOME IN HOM

Kom en geniet saam met ons die Dagstukkies uit die Bybel vandag, Suid Afrika. Die Goeie Nuus  Bybel vers vir vandag en Bybelstudie kom uit  die Rhapsody van Realiteite van Pastoor Chris Oyakhilome, die wêreld se #1 Dagstukkie:

Épafras wat een van julle is, ’n dienskneg van Christus, groet julle en stry altyd vir julle in die gebede, dat julle volmaak en volkome mag staan in die ganse wil van God
(Kolossense 4:12).

In die vers hierbo is die woorde “volmaak” en “volkome” uitruilbaar. Met ander woorde, in die plek van “volmaak” hierbo, kon jy ook ‘’volkome’’ gebruik het en visa versa. “Volmaak” het hier te make met volharding, om staande te bly. Dit beteken ook volwasse. Om ’n toestand van perfeksie of volwassenheid te bereik – om volgroeid te wees. Dit is ’n plek van volheid. Volheid van begrip, wysheid en kennis – volheid van die Gees. Halleluja!

Epafras het dus, deur die Gees, gebid vir die Christen in Kolosse om daardie punt van volwassenheid te bereik, om onwrikbaar te staan, volkome en volmaak in Christus. Dit is God se wil vir jou lewe. Hy wil hê jy moet ’n volgroeide Christen wees – volwasse om die dinge van God te doen.

Hoe meer geestelik volwasse jy is, hoe meer kan jy eintlik God se droom vir jou lewe vervul. Stel daarom vir jouself ’n doelwit vir jou geestelike groei.

Sê vir jouself: “Ek gaan groei. Ek gaan ’n punt van volwassenheid bereik waar ek net geestelik kan dink – soos ’n volwassene in Christus dink – en vol is van God se Woord en voortgaan om dit uit te voer.

Efesiërs 4:12-13 (NLV) sê God het bedieningsgawes vir hierdie doel aan sy Kerk gegee: “…om God se mense toe te rus vir hulle dienswerk. Hulle werk is om Christus se liggaam op te bou. So sal ons uiteindelik almal deur geloof en deurdat ons die Seun van God ken, ’n eenheid vorm, ’n volmaakte mens, wat aan die standaard van Christus se volmaaktheid voldoen.”

As dit nie moontlik was vir ons om aan die standaard van Christus se volmaaktheid te voldoen nie, sou God nie vir ons gesê het om daarna te streef nie. Hierdie is sy droom. So, streef daarna deur die Woord te bestudeer en passievol te bepeins en onderwerp jouself aan die bediening van die Heilige Gees.

BELYDENIS

In Christus woon al die volheid van die Godheid liggaamlik en ek is volkome in Hom wat die hoof van alle owerheid en mag is. Ek lewe die voortreflike lewe in Christus: stabiel, staande en gevestig in die geloof terwyl ek voortdurend wandel in die lig van die Woord. Halleluja!

VERDERE STUDIE:

Efésiërs 4:14-15; Hebreërs 5:14