DAGSTUKKIES UIT DIE BYBEL:
DOOD VIR DIE SONDE, LEWEND VIR GOD

Kom en geniet saam met ons die Dagstukkies uit die Bybel vandag, Suid Afrika. Die Goeie Nuus  Bybel vers vir vandag en Bybelstudie kom uit  die Rhapsody van Realiteite van Pastoor Chris Oyakhilome, die wêreld se #1 Dagstukkie:

“Julle moet dus ook vir seker weet dat julle vir die sonde dood is, en nou vir God lewe deurdat julle met Christus Jesus één is” (Romeine 6:11).

Die vers hierbo onthul ’n diepe huidige waarheid oor die nuwe skepping: hy is dood vir die sonde en lewend vir God! Dit is die perspektief wat jy oor die Christelike lewe behoort te hê; jy moet jouself dood ag vir die sonde en lewend vir God. Om “lewend vir God” te wees, beteken om te ontwaak tot sy werklikheid en vlak van lewe, om doelbewus met Hom gemeenskap te hê. Efesiërs 2:1 sê: “EN julle het Hy lewend gemaak, wat dood was deur die misdade en die sondes.”

Met ander woorde toe Jesus gesterf het, het jy in Hom gesterf, toe Hy opgewek is, is jy saam met Hom opgewek. Kolossense 2:13-14 sê: “Julle was eintlik dood omdat julle gesondig het en omdat julle sondige geaardheid nog nie weggeneem was nie. God het julle egter saam met Christus lewendig gemaak. Hy het ons al ons sondes vergewe. Hy het die dokument met voorskrifte wat as klagstaat teen ons gedien het, uitgevee en dit vir goed weggevat deur dit aan die kruis vas te spyker.”

Dit is eenvoudig ongelooflik! Voor jy saam met Christus opgewek is, is jou sondes en die verordeninge teen jou aan die kruis vasgespyker. Met ander woorde, beide jou sondes en dit wat in die eerste plek daarvan sonde gemaak het, is alles aan die kruis vasgespyker. 1 Korintiërs 15:56 laat ons weet dat die krag van die sonde die wet is, maar die ding wat die sonde lewend gemaak het, die wet, is deur Jesus afgeskaf (Efesiërs 2:15). Hy het jou die oorwinning gegee oor die sonde, die dood en die graf. Sien jouself in hierdie lig.

Die Woord van God is Lig en dit is ook ’n spieël wat wys wie jy regtig is. 2 Korintiërs 3:18 sê: “Ons almal weerspieël die heerlikheid van die Here, want die sluier is van ons gesig af weggeneem. Ons word al hoe meer verander om soos die Here te lyk, met ’n heerlikheid wat steeds toeneem namate die Here, dit is die Gees, dit aan ons gee.” Nou sê die Woord dat jy dood is vir die sonde en lewend is vir God; terwyl jy besin oor die werklikheid in die Woord, word jy in daardie waarheid verander – in dieselfde beeld wat in die spieël geopenbaar word.

Die beeld in die spieël is van iemand wat dood is vir die sonde, maar lewend is vir God en sy geregtigheid. Jou reaksie moet wees: “Geseënd is God! Ek is dood vir die sonde en lewendig vir God. Ek leef op sy vlak van die lewe.” Wandel in hierdie werklikheid. Halleluja!

BELYDENIS

Ek is lewendig vir God, wakker vir die realiteite van die Koninkryk! Hy is werklik vir my, in my en deur my! Ek hoor en ken sy stem; ek ken sy gedagtes, sy wil en wandel in sy goddelike bestemming vir my, halleluja!

VERDERE STUDIE:

Romeine 6:7-11; Efésiërs 2:1-6