DAGSTUKKIES UIT DIE BYBEL:
HEERSKAPPY OOR DIE DOOD

Kom en geniet saam met ons die Dagstukkies uit die Bybel vandag, Suid Afrika. Die Goeie Nuus  Bybel vers vir vandag en Bybelstudie kom uit  die Rhapsody van Realiteite van Pastoor Chris Oyakhilome, die wêreld se #1 Dagstukkie:

“Ons weet dit omdat Christus uit die dood opgewek is en nooit weer sal sterf nie. Die dood het geen mag meer oor Hom nie” (Romeine 6:9).

Die Skrif hierbo is een van die ongelooflikste verse in die hele Romeine 6 weens die implikasies daarvan. Dit sê nie: “Ons weet dit omdat Jesus uit die dood opgewek is en nooit weer…”; dit sê eerder: “…Christus uit die dood opgewek is en nooit weer…” Die vraag is, wie is Christus?

Christus is Jesus en sy liggaam – die Kerk! Jesus is die hoof en die Kerk is sy liggaam. Die hoof en die liggaam van Christus. Wanneer dit verpersoonlik word, is dit “Jesus.” In sekere gevalle word ’n titel bygevoeg om Hom: “Jesus Christus” of “Christus Jesus” te noem. Maar elke keer waar jy in die Nuwe Testament “Christus” sien, behalwe as die konteks anders bepaal, beteken dit Jesus en die Kerk, sy liggaam.

As die dood nie meer heerskappy oor die hoof het nie, het dit ook nie heerskappy oor die hand, oor die bene, of enige ander deel van die liggaam nie. Vers 10 sê: “Hy het eens en vir altyd vir die sonde gesterf en nou leef Hy vir God” (Romeine 6:10). Wat ’n vers! Jy moet dit lees en verklaar: “Ek is lewend uit die dood!” Hê daardie bewustheid!

Die dood het geen heerskappy oor jou nie, want deur Jesus Christus het jy die ewige lewe; jy is in die lewe en onsterflikheid ingebring (2 Timoteus 1:10). Wees daarom vreesloos, omdat die dood verlam is; deur Jesus verslaan is. Hebreërs 2:14-15 sê: “Omdat hierdie “kinders” mense van vlees en bloed is, het Jesus ook ten volle mens net soos hulle geword. Want Hy kon net sterf as Hy ten volle mens was en Hy kon net deur self te sterf hom die nekslag toedien wat mag oor die dood gehad het – die duiwel. Net op hierdie manier kon Hy dié vrymaak wat hulle lewe lank uit vrees vir die dood in slawerny vasgevang gesit het.”

Toe Jesus die dood verslaan het, was ons in Hom. Saam met Hom het ons oor die dood en die graf geseëvier. Geen wonder dat dit in 1 Korintiërs 15:54-55 sê: “…dood is totaal uitgewis, want dit is heeltemal oorwin. O dood, waar is jou oorwinning? Dood, wat het van jou angel geword?”

BELYDENIS

Ek is nogtans saam met Christus gekruisig, ek leef; nogtans nie ek nie, maar Christus leef in my; en die lewe wat ek nou in die vlees leef, leef ek deur die geloof van die Seun van God! Ek is vry van die sonde en dood! Ek is ’n deelgenoot van die goddelike natuur! Eer aan God!

VERDERE STUDIE:

1 Korinthiërs15:55-57; Romeine 8:1-2; Johannes 5:24