DAGSTUKKIES UIT DIE BYBEL:
HOU AAN OM JOU WÊRELD MET DIE EVANGELIE TE BEÏNVLOED

Kom en geniet saam met ons die Dagstukkies uit die Bybel vandag, Suid Afrika. Die Goeie Nuus  Bybel vers vir vandag en Bybelstudie kom uit  die Rhapsody van Realiteite van Pastoor Chris Oyakhilome, die wêreld se #1 Dagstukkie:

“Toe het Hy hulle beveel: “Gaan die hele wêreld in en verkondig die Goeie Nuus aan almal, oral. Elkeen wat glo en gedoop word, sal verlos word. Maar elkeen wat nie glo nie, sal veroordeel word” (Markus 16:15-16).

Die verkondiging van die evangelie is nie iets wat jy kies om te doen, of nie te doen nie dit is jou roeping, dit is jou primêre verantwoordelikheid op aarde om siele te wen.

2 Korintiërs 5:18 sê dat God ons deur Jesus Christus met Homself versoen het en die bediening van versoening aan ons gegee het. Jou toewyding aan die Here moet sigbaar wees in jou toewyding tot sielewinning. Wees vasbeslote hieroor. Paulus het gesê: “As ek dan inderdaad die Goeie Nuus verkondig, is dit vir my geen besondere prestasie nie. Ek is verplig om dit te doen. Wee my as ek dit sou nalaat!” (1 Korintiërs 9:16). Dit gaan nie oor gemak nie; dit word van jou vereis; dit is ’n verantwoordelikheid waaroor jy rekenskap sal gee en deur die Here beloon sal word wanneer Hy sy heiliges beloon.

1 Korintiërs 4:1-2 sê: “Dit beteken dat julle ons moet beskou as blote diensknegte van Christus. Ja, as mense wat God se diepsinnige planne moet help bestuur. Van bestuurders word verwag dat hulle hulleself as betroubaar sal bewys.” Wees getrou; bedien ander met die evangelie. Die apostels het hiervoor geleef. Baie mense is erg vervolg en sommige is dood omdat hulle die evangelie verkondig het.

So, hou aan, selfs al word jy uitgeskel of verag omdat jy Christus verkondig. Hou aan om jou wêreld positief te beïnvloed met die krag van God in sy evangelie. Wees baie passievol hieroor, want die tyd is min.

GEBED

Liewe Vader, dankie dat U my die geleentheid en die vermoë gegee het om diegene in my wêreld met die evangelie te beïnvloed. Getuienisse oor verlossing is vandag die hele wêreld vol, soos die evangelie gretig verkondig en ontvang word. Dankie vir u seëninge en oorvloedige voorsiening in my lewe en vir die vrymoedigheid en dapperheid wat U my gegee het om die evangelie met krag te verkondig, in Jesus se Naam. Amen.

VERDERE STUDIE:

Matthéüs 28:19-20; 1 Korinthiërs 9:16-17