DAGSTUKKIES UIT DIE BYBEL:
DAPPER VIR DIE EVANGELIE

My opdrag aan jou is dat jy sterk en dapper moet wees. Moenie bang of huiwerig wees nie. Die Here jou God is saam met jou oral waar jy gaan (Josua 1:9).

Dapperheid is die vermoë en die wil om te doen, of te staan vir wat reg of nodig is, selfs te midde van teëspoed of opposisie. Dit is die vermoë om vreesloos gevaar en opposisie in die gesig te staar en jou geloof in Christus te bevestig, ongeag die teëstanders of teëspoed waarmee jy te make het. Dit is ’n deug wat aan almal in Christus verleen is, maar alle Christene openbaar dit nie.

’n Mens met dapperheid verstaan dat alle opposisie ’n geleentheid is vir vooruitgang en oorwinning. Dapperheid is wat die Kerk van Jesus Christus gebring het tot waar dit vandag is. As die apostels en die profete van ouds nie dapperheid ten toon gestel het, ten spyte van teenkanting, deur te staan vir wat reg was nie, het die evangelie miskien nooit die hele wêreld bereik en na ons gekom toe dit het nie. Hulle was nie bang vir konings en verdrukkers nie en hulle was vir seker nie bang om te sterf nie. Hulle was sterk en baie dapper.

Paulus het in sy brief aan die kerk in Thessalonika vertel hoe hy en sommige ander groot moed aan die dag gelê het om die evangelie te verkondig ondanks fel teenstand. Hy het gesê: “Ondanks die mishandeling en beledigings wat ons, soos julle weet, vroeër in Filippi moes verduur, het ons vertroue op ons God ons moed gegee om te midde van sterk teenkanting sy Goeie Nuus aan julle te verkondig” (1 Tessalonisense 2: 2).

Mense met moed hou hul fokus op dit waarin hulle glo en niks is vir hulle te groot om te gee of te doen in die strewe na hul oortuigings nie. Fokus daarom op die Here en sy Woord en wees altyd gereed om enigiets te doen ter bevordering van die evangelie.

BELYDENIS

Ek is sterk en vol moed! Ek is deur God bestem om die ondeurgrondelike rykdom van Christus te verkondig; om lewe te bedien, om ander te versterk en in God se lig in te bring. Daarom, ongeag die toetse, beproewinge, opposisie en teëstanders, staan ek vas in Christus, daardie innerlike krag om die evangelie ten alle koste bekend te maak. Ek is vol moed, met die vrymoedigheid van die Gees in toenemende mate, dapper! Halleluja!

VERDERE STUDIE:

Efésiërs6:14-15; Handelinge 18:9-10; Josua 1:5-6