DAGSTUKKIES UIT DIE BYBEL:
DIE EVANGELIE IS AAN JOU TOEVERTROU

Timoteus, bewaar wat aan jou toevertrou is. Vermy die onheilige en sinlose praatjies en die redenasies van die “kennis”, soos dit verkeerdelik genoem word (1 Timoteus 6:20).

Die woord “toevertrou” in die openingsvers is ’n interessante Griekse woord “parakatatheke” dit beteken ‘deponeer’, die belegging van jou persoonlikheid. Iets is in jou gedeponeer. Jy moet tot die besef kom dat die evangelie, dieselfde boodskap wat jou lewe gered het, aan jou toevertrou is.

Paulus het dit geweet. In 1 Timoteus 1:11 het hy bevestig: “Volgens die evangelie van die heerlikheid van die salige God wat aan my toevertrou is.” Wat ’n bewustheid! Hy het die evangelie sy verantwoordelikheid gemaak. Dit moet vir jou ook so wees.

Jou kollegas, besigheidsvennote, skoolmaats, familielede, huismaats, vriende en almal met wie jy in kontak kom, hou almal vas aan dit wat God aan jou toevertrou het. Hy hou jou verantwoordelik as hulle getuie; jy is die getuie in jou generasie. Jy moet toegewyd wees daaraan om verlossing te bring na almal in jou wêreld. Dit is wat sukses is. Jy word ’n vrugdraende tak, jy vervul wat Jesus in Johannes 15:5 gesê het: “Ek is die wynstok, julle die lote. Wie in My bly, en Ek in hom, hy dra veel vrug; want sonder My kan julle niks doen nie.”

Verklaar altyd: “Ek is ’n vrugdraende tak, in die Naam van die Here Jesus! Ek dra vrugte van geregtigheid en openbaar werke van geregtigheid.” Verklaar dit en tree dienooreenkomstig op. Dit is wat die Apostel Paulus aan die jong dienaar, Timoteus, in ons openingsvers gekommunikeer het—die bewustheid van wat aan sy sorg toevertrou is.

Jy dra die sade van die Koninkryk van God binne jou. Dit is jou nommer een bediening in die lewe. Onthou Jesus se woorde: “Maar soek eers die koninkryk van God en sy geregtigheid, en al hierdie dinge sal vir julle bygevoeg word” (Matteus 6:33). Nou dat jy in sy Koninkryk is, moet jy dit ’n prioriteit maak en dan sal sy heerlikheid in en deur jou openbaar word.

GEBED

Liewe Heer, dankie vir die voorreg om ’n medewerker in sielewinning te wees. U het my getrou geag en die evangelie aan my sorg toevertrou. Daar is geen perke aan hoe vêr ek bereid is om te gaan en wat ek bereid is om te doen vir die evangelie nie, want dit is u krag om sondaars te regverdig, die armes uit die duisternis en verdriet na ’n lewe van voorspoed, heerlikheid en uitmuntendheid te bring. Ek verkondig dit met vrymoedigheid oral en aan almal en baie mense kom tot bekering, in Jesus se Naam. Amen.

VERDERE STUDIE:

2 Korinthiërs 5:18; Jeremia 20:9; 1 Korinthiërs 9:16-17