DAGSTUKKIES UIT DIE BYBEL:
HY IS BEDAG OP JOU WERK

For God, the Faithful One, is not unfair. How can he forget the work you have done for him? He remembers the love you demonstrate as you continually serve his beloved ones for the glory of his name (Hebreërs 6:10 TPT).

Dit is so inspirerend en ook vertroostend! Alles wat jy vir die Here doen word opgeteken en Hy beloon jou daarvoor. Hy let op jou werk en liefdesarbeid. Miskien is daar vir jou gesê dat jy jou tyd mors, of dwaas is omdat jy die evangelie verkondig en die Here dien soos jy dit doen, maar God gee om oor jou werk. So, hou aan!

Hy het in Openbaring 22:12 gesê: “Kyk, Ek kom gou! My loon kom saam met My om almal te beloon volgens wat hulle gedoen het.” Wat ’n dag sal dit wees! Wat ‘n dag om na uit te sien! Daarom moedig ek jou aan met dieselfde woorde van die Gees as die apostel Paulus in 1 Korintiërs 15:58: “Dus, my geliefde broers en susters, staan baie vas, onbeweeglik. Gee altyd julle allerbeste vir die Here se werk, want julle weet voor die Here is alles wat julle doen die moeite werd.”

Daar mag dalk tye wees wanneer jy die Here se werk doen en dit lyk asof daar teëspoed aan alle kante is, moenie moed verloor nie. Onthou altyd sulke tye dat die Here nie onregverdig is om jou werk en liefdesarbeid te vergeet nie. Hy sal jou beloon vir alles wat jy doen en gedoen het in en vir sy koninkryk.

Hy weet van jou trane in voorbidding; jou passie in gebed vir verlore siele. Hy is bewus van al jou finansiële bydraes tot die verspreiding van die evangelie en jou persoonlike evangelisasie-pogings om siele vir Christus te wen. Hy is bewus van al die opofferings wat jy ter wille van sy Naam gemaak het; die tyd, geld, familie, vriende en verhoudings wat jy vir Hom afgestaan het! Hy het nie vergeet nie.

Jou seën word nie uitgestel nie, dit begin hier op aarde (lees Markus 10: 29-31). Jy is nooit ’n dwaas as gevolg van jou toewyding aan Christus nie. Jou geloof, hoop en liefde is nie tevergeefs nie. Hou aan om alles te doen wat die Here jou inspireer om vir Hom te doen; hou aan om sy heerlikheid te versprei deur jou werke van geregtigheid in jou wêreld en daarbuite.

GEBED

Liewe hemelse Vader, met ’n onwrikbare toewyding en hernieude krag wy ek my tyd, middele, geld en alles in my sorg aan die evangelie. Ek gee myself oor aan u Gees vir groter diens en strewe na die uitbreiding van u Koninkryk, want ek weet dat groter seëninge met groter eerbewyse myne is in Christus Jesus. Amen.

VERDERE STUDIE:

Matthéüs 16:26-27; 2 Johannes 1:8 AMPC;

2 Timótheüs 4:5-8