DAGSTUKKIES UIT DIE BYBEL:
EEN BROOD EN EEN LIGGAAM

Ons voorvaders het tog manna in die woestyn geëet soos daar geskryf staan: ‘Brood uit die hemel het Hy aan hulle gegee om te eet.’”Een brood en een liggaam (Johannes 6:31).

Wat ons in ons temavers lees, was dat die Here Jesus die Jode toegespreek het. In vers 32-33 het Hy voortgegaan, “… dis nie Moses wat aan julle die brood uit die hemel gegee het nie, maar my Vader. En dit is Hy wat nou aan julle die ware brood uit die hemel gee. Die brood van God is Hy wat uit die hemel kom en aan die mensheid lewe gee.”

In die nege-en-veertigste vers beklemtoon Hy verder Sy punt, “Julle voorvaders het in die woestyn manna geëet en tog gesterf. Hierdie is die brood wat uit die hemel gekom het sodat iemand daarvan kan eet en nie sterf nie.” Jesus is die lewende brood; die brood wat uit die hemel neergedaal het.

Hy het dit aan Sy dissipels in Johannes 6:51 verduidelik en gesê: “Ek is die brood wat lewe gee, wat uit die hemel gekom het. As iemand van hierdie brood eet, sal hy vir altyd lewe. En die brood wat Ek beskikbaar sal stel, is my liggaam. Dit doen Ek ter wille daarvan dat die wêreld kan lewe.” Die apostel Paulus verduidelik dan in 1 Korintiërs 10:17 hoe dit by ons aansluit. Hy het gesê: “Omdat ons almal aandeel aan een en dieselfde brood kry, maak ons almal saam, al is ons baie mense, een liggaam uit.” As ons een brood saam met Hom is, beteken dit dus dat ons dieselfde lewe het, want ons is gebore uit die Woord (1 Petrus 1:23), net soos Hy die Woord is wat vlees geword het (Johannes 1:14).

Kolossense 1:18 sê: “En Hy (Christus) is die hoof van die kerk, Sy liggaam …” Die kop en die liggaam deel dieselfde lewe. As ons Sy lewe deel, dan deel ons ook Sy gesondheid, voorspoed, krag en heerlikheid. Geen wonder dat Hy ons ‘deelgenote van die goddelike natuur’ noem nie; medewerkers van die Godsoort. 1 Johannes 4:17 sê: “soos Hy is,is ons ook in hierdie wêreld.” Jy is van dieselfde stofasie as Christus. Wandel daarom soos Hy gewandel het – in heerlikheid, geregtigheid, krag en heerskappy. Halleluja!

BELYDENIS

Geseënd is God! Ek is een met die Here, want ek is gebore uit Sy lewende en ewige Woord! My afkoms is goddelik; Ek is ontembaar en leef bo die elemente van hierdie wêreld. Ek regeer en heers glorieryk in hierdie lewe, deur Christus Jesus. Halleluja!

VERDERE STUDIE:

Efésiërs 5:30; 1 Johannes 4:17; 1 Korinthiërs 10:17 AMPC

Markus 5:1-20 & Levitikus 19-21

Matthéüs 16:13-20 & Exodus 2