DAGSTUKKIE UIT DIE BYBEL: IN CHRISTUS GEDOOP

Kom en geniet saam met ons die Dagstukkie uit die Bybel vandag, Suid Afrika. Die Bybelvers vir vandag en Bybelstudie kom uit  die Rhapsody van Realitiete van Pastoor Chris Oyakhilome, die wêreld se #1 Dagstukkie.

Of weet julle nie dat ons almal wat in Christus Jesus gedoop is, in sy dood gedoop is nie? Ons is dus saam met Hom begrawe deur die doop in die dood, sodat net soos Christus uit die dode opgewek is deur die heerlikheid van die Vader, ons ook so in ’n nuwe lewe kan wandel (Romeine 6:3-4).

Dit is belangrik dat ons verstaan wat bedoel word met die stelling: “…in Christus Jesus gedoop…” in die bogaande Skrifgedeelte. Dit is anders as om iemand onder die water te dompel om hom te doop. Die waterdoop is simbolies: wanneer jy gedoop word, onder die water gedompel word, verklaar jy dat jy jou met die Here in sy plaasvervangende dood en begrawing vereenselwig. Jy kom op uit die water soos Hy uit die dood opgestaan het.

Die onderwerp in Romeine 6 is nie waterdoop nie. Dit is die dompeling van die gelowige in Christus in, wanneer hy sy Heerskappy en geloof in sy opstanding verklaar. In 2 Korintiërs 5:17 het die apostel Paulus die term “in Christus” gebruik waar hy verklaar het: “Daarom, as iemand in Christus is, is hy ’n nuwe skepsel.” Jy word een met Hom! God sien jou in Jesus Christus. Wanneer ons sê dat ons in Christus is, is dit nie soos om iets in ’n houer te hê nie, maar liewer dat ons onlosmaaklik aan Hom verbind is, een Gees met Hom (1 Korintiërs 6:17).

Efesiërs 5:30 sê: “Ek is die wynstok, julle die lote. Wie in My bly, en Ek in hom, hy dra veel vrug; want sonder My kan julle niks doen nie” (Johannes 15:5). Dit beteken ons is van dieselfde stoffasie as Hy. Jy het Christus se uitdrukking geword. Dis hoe jy behoort te dink. 1 Korintiërs 12:13 sê: “Want ons is almal ook deur een Gees gedoop tot een liggaam…”; daardie liggaam is Christus.

Nou dat jy in Jesus Christus gedoop is sê die Bybel dat jy dienooreenkomstig moet leef: “sodat…ons ook so in ’n nuwe lewe kan wandel” (Romeine 6:4). Leef met vrymoedigheid. Wees absoluut vreesloos, met die wete dat jy en Christus een is. Met Hom is jy onverslaanbaar—maak jy altyd vordering. Halleluja!

BELYDENIS

Ek is onlosmaaklik een met Christus, want in Hom leef en beweeg en is ek! Ek is die verpersoonliking en uitdrukking van sy heerlikheid en goddelikheid. My onlosmaaklike eenheid met Hom maak my bonatuurlik, ondeurdringbaar vir siektes, kwale en krankhede. Maak nie saak wat na my kant toe kom nie, ek is dapper en vreesloos! Eer aan God!

VERDERE STUDIE:

Handelinge 17:28; 1Korinthiërs 12:13; Galásiërs 3:27