DAGSTUKKIES UIT DIE BYBEL:
ALTYD GEÏNSPIREERD EN AAN DIE BRAND

Het Ek jou nie beveel nie: Wees sterk en vol moed, wees nie bevrees of verskrik nie; want die Here jou God is met jou, oral waar jy heengaan (Josua 1:9).

Sedert die dag toe ek die Heilige Gees ontvang en in tale begin bid het, het ek nog nooit inspirasie verloor nie. Die sleutel is jou vriendskap met die Heilige Gees! Dit is die geheim daartoe om ALTYD geïnspireerd en aan die brand te wees vir die Here. Die Heilige Gees moet die primêre dryfkrag in jou lewe wees. Sonder Hom is die lewe futloos, vaal, leeg en verniet!

Christenskap sonder die Heilige Gees is blote godsdiens. Dit is in der waarheid baie moeilik om siele te wen sonder die Heilige Gees. As kind van God is dit nie onderhandelbaar om elke dag met die Heilige Gees vervul te wees nie. Jy moet Hom ken, saam met en in Hom leef. Hy moet ’n konstante deel van jou lewe uitmaak.

Kolossense 3:16 sê: “Laat die woord van Christus ryklik in julle woon….” Jou begrip van die Woord sal jou aanspoor om elke dag van jou lewe te leef vir die uitbreiding van die Koninkryk van God; niks anders sal vir jou sin maak in hierdie wêreld nie, behalwe die dinge van Christus. Met die Woord van God in jou gees en in jou mond kan jy die Here getrou dien en Hom verheerlik, nou en deur die eeue heen. Hou jou aptyt vir die Woord groot en gulsig.

Jou liefde vir die Meester sal jou dring om die wêreld te vertel van sy reddingskrag. 2 Korintiërs 5:14 sê: “Die liefde van Christus dring ons. Omdat ons geoordeel het dat Een vir almal gesterf het, glo ons dat ons almal ons ou, sondige lewe afgesterf het” (NLV). Die Apostel Paulus wys ons wat die motiveringskrag agter sy oorweldigende passie vir die evangelie was, dit was Christus se liefde. Jy kan nie Hom liefhê en dan nie aangespoor wees om die hele wêreld daarvan te vertel nie. Jy sal elke dag opstaan, geïnspireerd en aan die brand om God te dien. Prys die Here!

BELYDENIS

My deelname aan evangelisasie—my passie vir die verspreiding van die evangelie regoor die wêreld—is steeds onbedwingbaar. God het my geroep en my ’n goddelike mandaat gegee; ek bly gefokus op en toegewy aan daardie roeping, gedring deur Christus se liefde om die dinge te doen wat ek moet doen op aarde, in Jesus se Naam. Amen.

VERDERE STUDIE:

2 Korinthiërs 5:14-15; Jeremia 20:8-9; Romeine 12:10-12