DAGSTUKKIES UIT DIE BYBEL:
BEÏNVLOED JOU WÊRELD

Verder, sê vir Argippus: Maak seker dat jy die bediening uitvoer wat jy in diens van die Here aanvaar het (Kolossense 4:17).

Jy is gebore vir God se heerlikheid. Jy is geskape om n buitengewone lewe te lei wat God behaag en jy kan nie so ’n lewe lei sonder om ‘n impak te maak nie. Gaan dus voort en maak ‘n verskil in jou wêreld met die evangelie. Dit is die belangrikste en mees effektiewe boodskap ter wêreld; dit red en verander lewens oraloor. Halleluja!

Romeine 8:19 sê: “Die skepping smag na daardie dag wanneer God sy kinders openlik bekend sal stel.” In Matteus 5:16 het Jesus gesê: “Julle moet so voorbeeldig lewe dat julle ’n helder lig sal laat uitstraal. Dan sal die mense dit sien en julle hemelse Vader daarvoor prys!” Jou ware doel op aarde is om God se heerlikheid te openbaar en sy koninkryk te vestig in jou huis, straat, werkplek, skool en omgewing. Dit maak glad nie saak hoe oud jy is nie; jy kan ’n verskil maak in jou wêreld. Jy het wat nodig is — Die Heilige Gees! Wanneer jy met Hom gemeenskap hou en in die kerk funksioneer, sal jy ontdek wat Hy wil hê jy moet doen – jou spesifieke doel in Hom en hoe presies Hy wil hê dat jy moet lewe. Hy maak mense groot op wie Hy kan vertrou; Hy bou hulle op deur die Woord. Wees een van hulle.

Hy laat jou dalk nie met iets groots begin nie, maar bly getrou in alles wat Hy in jou hande gee. As jy in min getrou is, sal Hy jou met baie vertrou. Onthou, jy is sy ambassadeur in hierdie wêreld, met die doel wat God bepaal het, om jou wêreld te verlig en ander met die Christus-lewe te beïnvloed! Dis jou roeping; dis jou doel; dis jou lewe! Christus in jou, die hoop op die heerlikheid.

GEBED

Liewe Vader, dankie dat U my tot ’n impakvolle lewe geroep het en dat U my die grootste bate van almal gegee het – die Heilige Gees – om my te help om in u wil en doel vir my lewe te wandel. U het my in Christus Jesus geskape vir goeie werke wat U van die grondlegging van die wêreld af bepaal het ek in sou wandel. En nou, deur u Gees, is my hele lewe ’n strewe na u doel en om die troon van u koninkryk in mense se harte te vestig, in Jesus se Naam. Amen.

VERDERE STUDIE:

Efésiërs 2:10 AMPC; Handelinge 26:16 AMPC