DAGSTUKKIES UIT DIE BYBEL:
BEWAARDERS VAN DIE BOODSKAP WAT WERK

Hoe kan hulle Hom dan aanroep in wie hulle nie geglo het nie? En hoe kan hulle in Hom glo van wie hulle nie gehoor het nie? En hoe kan hulle hoor sonder een wat preek? (Romeine 10:14).

Stel jou voor dat ’n boodskap aan jou toevertrou is—die enigste boodskap wat die verlossing mense waarborg en wat die wêreld kan verander! Hierdie heerlike evangelie van die geseënde Here Jesus Christus is aan jou toevertrou (1 Timoteus 1:11). Jy is die rentmeester van die geheimenisse van Christus en jou trouheid is ’n vereiste (1 Korintiërs 4:2).

Moenie ontrou wees in die vervulling van jou bediening in die evangelie nie, moet dit nie ligtelik opneem nie. Jy kan vandag ’n siel wen. Dit is die eindtyd; moenie hoop dat mense op ’n manier van Jesus sal hoor en in Hom sal glo nie, doen iets daaraan. Dra self die boodskap uit. Raak meer passievol oor die evangelie!

Die evangelie van Christus maak sondaars regverdig. Dit slinger die armoedige van duisternis, gebrek en ellende na ’n lewe van voorspoed, heerlikheid en uitmuntendheid. Dit is die krag van God vir verlossing vir almal wat glo (Romeine 1:16). Maar hulle kan nie hoor en glo sonder ’n prediker nie.

Die sieke moet weet dat daar ’n verlosser en geneser is wat hom ’n nuwe lewe gee, ’n lewe wat goddelik is; verhewe bo siekte. Dit is sulke heerlike nuus, maar jy is die een op wie Hy vertrou om dit oral te verkondig.

Om sonder Christus te leef is om sonder God te leef; in verdoemenis. Dit is waarom jy vurig moet wees in gees en die evangelie moet verkondig (Romeine 12:11). Jy is gestuur om die lig van die evangelie te neem na diegene wat in die duisternis leef (Handelinge 13:47). So, moenie terughou nie, moenie verskonend wees nie. Wees vol vrymoedigheid en dapper en erken dat jy die bewaarder is van die boodskap wat werk.

GEBED

Geseënde Vader, ek bid vir almal wat vandag die evangelie gaan hoor, dat die boodskap vir hulle ’n aanwins sal wees en verlossing tot gevolg sal hê. Ek vier u geregtigheid en heerlike krag wat vandag regoor die wêreld onthul word, deur die verkondiging van die evangelie. Baie mense word uit die duisternis na die heerlike lig gebring, in Jesus se Naam. Amen.

VERDERE STUDIE:

Handelinge 4:12; Romeine 1:16 AMPC; 2 Korinthiërs 5:19-20