DAGSTUKKIES UIT DIE BYBEL:
“CHRISTUS IN JOU”— DIE EEN DING WAT NODIG IS

Kom en geniet saam met ons die Dagstukkies uit die Bybel vandag, Suid Afrika. Die Goeie Nuus  Bybel vers vir vandag en Bybelstudie kom uit  die Rhapsody van Realiteite van Pastoor Chris Oyakhilome, die wêreld se #1 Dagstukkie:

“God het besluit om aan Sy eie mense die geheim te vertel…veral vir nie-Jode… Dit is Christus is in julle, julle hoop op die heerlikheid” (Kolossense 1:27).

Sommige mense kla dat hulle alles gedoen het wat hulle kon en tog is hul lewens nie ’n weerspieëling van die realiteite van God se Woord nie. Hulle vra vrae soos: “Wat meer moet ek doen om voorspoedig te wees?” “Wat meer moet ek doen om gesond te word?” Hulle word gekonfronteer met hierdie en ander vrae waarop hul antwoorde soek.

Ek het iets te sê hieroor en dit is baie belangrik. Eendag het ek hierdie wonderlike gesprek met die Here gehad oor die wonderlike dinge wat die profete in die Ou Testament gedoen het en die wonderlike vermoë wat Hy aan sy kinders gegee het. Soos ek hierdie dinge oordink het, deur die Skrif gekyk het, het ek gewonder: “Wat wil God hê? Wat is sy plan? As ons Hom vir enigiets kon vra, waarvoor moes ons hom vra?”

Toe sê die Here vir my: “Enige iets goeds wat jy ooit kon begeer is niks in vergelyking met die ‘een ding wat nodig is’, wat jy reeds het nie – Christus in jou!” Christus in jou dek alles, dit is die grootste ‘ding’ wat ons by God gekry het. Jou erkenning van hierdie waarheid sal die honger en begeerte na enigiets anders beëindig. Jy sal dit amper dwaas vind om God vir enigiets anders te vra.

As jy net kan aanvaar dat Christus sy intrek in die kamers van jou hart geneem het, sal dit jou lewe verander. Alles wat Hy gee is in Hom. Alles wat Hy is, is in Hom. Onthou, die volheid van die Godheid – die totaliteit van goddelikheid – wandel in Christus Jesus en ons is volkome in Hom. As dit waar is, wat meer wil jy hê?

Dit is waarom Paulus gesê het: “Alles behoort aan julle; die wêreld is julle s’n” (1 Korinthiërs 3:21-22). Wanneer jy dit besef, word die wêreld so klein vir jou. Sodra jy hierdie vrymoedigheid het, word jy so sterk, jy sal nie bang wees vir die toekoms nie; geen vrees hê vir die duisternis, mislukking, of tekort nie, want in Hom het jy alles en het jy alles oorwin, want jy’s meer as ’n oorwinnaar. Geseënd is sy Naam vir altyd!

 BELYDENIS

Alles is myne. Ek het ’n gesonde, voorspoedige, lewendige en suksesvolle lewe, want Christus het sy woning in die kamers van my hart gemaak. Ek het niks om te vrees nie. Geen vrees vir die toekoms, die duisternis, of mislukking nie, want Christus in my is my versekering van ’n lewe van voortdurende oorwinning en ewige heerlikheid. Geseënd is die Here!

VERDERE STUDIE:

1 Korinthiërs 3:16; 1 Korinthiërs 6:17; Kolossense 2:9-10