DAGSTUKKIES UIT DIE BYBEL:
CHRISTUS WOON IN JOU HART

Die dief kom vir niks anders nie as om te steel, dood te maak en te vernietig. Ék het gekom sodat hulle lewe kan hê, ja, sodat hulle dit oorvloedig het (Johannes 10:10).

Kersfees gaan oor wie Jesus is en wat Hy kom doen het. Hy het nie gekom om ’n godsdiens te vestig nie. Hy het nie gekom om ons bloot te wys hoe om goeie dinge te doen nie; Hy het gekom om ons lewe te gee; God se lewe. God het ons gemaak en Hy wou hê dat ons sy soort lewe moes hê en sy plan was dat Jesus die een sou wees wat ons die lewe sou gee.

Hy het ook beplan dat ons daardie lewe deur geloof sou ontvang, omdat sy Koninkryk nie deur die sintuie waargeneem kan word nie. Hebreërs 11:6 sê, sonder geloof is dit onmoontlik om God te behaag. Die Engelse Kerslied – “Hark! The Herald Angels Sing” stel dit bondig in sy vers: “…Born that man no more may die; born to raise the sons of earth; born to give them second birth.” Hoe mooi!

Die grootste ding is egter dat Christus in jou hart gebore is. Die Bybel sê: “…Christus onder julle, die hoop van die heerlikheid” (Kolossense 1:27 – 1953 Vertaling). Ons praat van die Here, die Een wat uit die dood opgewek is en na die hemel opgevaar het, die Seun van die lewende God – wat sy woning binne-in jou hart opgeneem het! Dit beteken dat Hy een geword het met jou gees.

Geen wonder Petrus het gesê ons is medewerkers, kamerade van die God-soort nie (2 Petrus 1:4). Kersfees beteken dat jy in Christus is en Christus is nou in jou; jy het NOU die lewe en die natuur van God in jou! Halleluja! As jy nog nie daardie lewe ontvang het nie, kan jy dit nou doen. Blaai na die Gebed Om Verlossing op bladsy 76 en bid die gebed. Sê hierdie woorde en bedoel dit met jou hele hart, dan sal jou lewe onmiddellik die manifestasie word van sy goedheid, heerlikheid, genade en liefde.

BELYDENIS

Ek het die lewe en die natuur van God in my gees. Hy het sy lewe vir my gegee, sodat ek in sy geregtigheid, heerlikheid en genade kan leef en wandel. Daarom deel ek deur my geloof in God se goddelike natuur, omdat ek na sy lewe oorgedra is! My lewe is vol van heerlikheid, want Christus is in my. Halleluja!

VERDERE STUDIE:

Romeine 6:23; 1 Johannes 5:11-13: