DAGSTUKKIES UIT DIE BYBEL:
DIE WARE STRYD

Stry die goeie stryd vir dit waarin ons glo. Hou stewig vas aan die ewige lewe wat God jou gegee het, en wat jy so opreg bely het voor baie getuies (1 Timoteus 6:12).

Nie baie mense verstaan wat dit is om te veg nie en daarmee bedoel ek nie vuisgevegte nie. Ek praat van die geloofstryd. Die geloofstryd is die konflik tussen ons aardse, kortstondige, tydelike omstandighede en ons geestelike werklikhede. Dit is die vrystelling van ons geloof oor opstandige omstandighede van tyd om veranderinge af te dwing, sodat dinge ooreen sal stem met ons hardnekkige geloofsverklarings. Dit is nie ’n geveg met die Duiwel nie; dit is die stryd in jou hart om die uitdagings wat jy in die lewe in die gesig staar, te oorkom. En dit is ’n geveg wat jy móét wen. Paulus, die Apostel, noem dit ’n goeie stryd, want dit is die mees eerbare stryd en jy wen.

Wanneer Hy vir jou sê om die goeie stryd te stry, sê Hy vir jou om aan God se Woord vas te hou, om jou belydenis te handhaaf, te midde van verbysterende opposisie. Daar is ’n teëstander aan die werk wat probeer verseker dat dinge nie vir jou in plek val nie. Die wêreld self is vyandiggesind teenoor jou geloof; vyandiggesind teenoor die Koninkryk van God. Maar Jesus sê: “…skep moed: Ek het die wêreld reeds oorwin” (Johannes 16:33) en omdat Hy die wêreld oorwin het, moet jy die wêreld in daardie posisie hou met jou geloof. Dit is die ware stryd.

Jy probeer nie die wêreld oorwin nie; Hy het dit reeds gedoen. Dus wandel jy deur die geloof in die oorwinning wat Christus namens jou behaal het. Hy het gesê: “En Ek het julle gesag gegee oor alle mag van die vyand, en julle kan oor slange en skerpioene loop en hulle vermorsel…” (Lukas 10:19). So, maak nie saak waar jy is nie, jy seëvier, jy weet dit en jy dring daarop aan.

Jy kan doen wat ander sê onmoontlik is. Dit maak nie saak wat jy tans in die gesig staar nie; of dit te doen het met jou gesondheid, finansies, besigheid, werk, familie of akademie; jy sê: “Ek is ’n oorwinnaar in Jesus se Naam! Dit is onmoontlik vir my om te misluk. Al wat ek dink is oorwinning en ek wen altyd, in Jesus se Naam!”

Wandel in die heerlikheid en sterkte van Christus en met die vrymoedigheid van die Gees. Trek voordeel uit sy genade en die krag van sy mag terwyl jy jou geloof ontplooi teenoor rebelse omstandighede en dwing hulle om aan te pas by jou hardkoppige geloofsverklarings.

BELYDENIS

Ek wandel in God se krag en heerlikheid, sterk in die Here en in die krag van sy mag. Ek is geseënd met sy liefde, met sy vrymoedigheid en oorwinning. Ek stry die goeie stryd van geloof om gevestig, bevestig en in God se Woord te bly! Met die Woord in my mond, heers ek vandag oor omstandighede, heers en regeer ek deur die krag van die Heilige Gees! Amen.

VERDERE STUDIE:

Efésiërs 6:16; 1 Timótheüs 1:18; 2 Korinthiërs 10:3-5