DAGSTUKKIES UIT DIE BYBEL:
DIE WOORD IS LEWEND IN JOU

En die Woord het mens geword en by ons kom woon. Ons het sy heerlikheid duidelik gesien, ’n heerlikheid soos dié van die enigste Seun van die Vader, vol liefdevolle goedheid en waarheid (Johannes 1:14).

Kersfees beteken dat die Woord gekom het; die Woord is gebore. Die Woord het vlees geword en in die strate geloop; hulle het sy heerlikheid aanskou totdat Hy gekruisig is. Maar God het Hom opgewek en openlik, met baie onteenseglike bewyse, gewys dat Hy sou leef. Nou bly Hy in jou. Prys die Here!

Hulle het op die Woord gewag, sy heerlikheid waarvan die profete gepraat het verwag, hulle het sy lig verwag, want groot duisternis het die wêreld bedek en onkunde het die baas geword. Maar toe kom die Woord, gebore uit ’n maagd en wandel op hierdie aarde, vol heerlikheid, genade en waarheid, sodat alle mense kan sien en glo.

Baie het Hom egter nie herken nie. Hy het sy dissipels gevra: sê die mense dat Ek die Seun van die mens is? Ongelukkig het hulle Hom nie geken nie, maar Petrus het gesê: U is die Christus, die Seun van die lewende God (Matteus 16:16). Johannes noem Hom: “die Woord wat vlees geword het”; Hy gee ons die werklike oorsprong van die mens, Christus Jesus – Hy is die Woord wat voor die skepping bestaan het en deur wie alles geskape is (Johannes 1:1-3).

Sy geboorte het vir die wêreld vreugde gebring, ’n asemrowende wonder om die ewige Woord van God in doeke toegedraai te sien; om saam met mense te wees en te wandel! Geen wonder dat hulle Hom ‘Emmanuel’ (God met ons) genoem het nie (Matteus 1:23). Hy is as ‘Emmanuel’ gebore, maar vandag is Hy die Woord wat in jou leef.

Elke tree wat Jesus geneem het, was die Woord van God in beweging; die verpersoonliking van die Woord. En die dag toe jy Hom ontvang het om in jou te woon, het jy die Woord in beweging geword, want soos Hy is, so is ons ook in hierdie wêreld (1 Johannes 4:17). Geen wonder dat Paulus ons die Sendbrief (Woord) van Christus noem nie (2 Korintiërs 3:3). Halleluja!

GEBED

Dankie, Vader, vir Kersfees! Dankie vir Christus Jesus in my lewe. Die Woord het gekom; Christus is gebore; Hy het geleef en gesterf, om in my hart gebore te word. Hy is gebore as “Emmanuel”, maar vandag is Hy die Woord wat in my lewe; Hy bly vir altyd in my! Geseënd is God!

VERDERE STUDIE:

Johannes 1:14 AMPC; Johannes 14:16-17