DAGSTUKKIES UIT DIE BYBEL:
DIE WOORD IS ONS LEIDENDE BEGINSEL

Die Heilige Gees leer ons duidelik
dat in die laaste tye sommige mense
sal wegdraai van wat ons glo; hulle
sal leuengeeste volg en leerstellings
wat van bose geeste af kom
(1 Timoteus 4:1).

In hierdie eindtyd vóór die wegraping van die
kerk, is afvalligheid een van die verskynsels wat
ons sal aanskou (2 Tessalonisense 2:3). Baie sal van die
geloof afvallig raak, omdat hulle ag gee op verleidende
geeste – geeste wat mense lok om nie in God te glo
nie, om nie die waarheid te glo nie. Hierdie geeste
lok mense van die regte pad af om aandag te gee aan
leringe, bewerings en instruksies van demone.
Die leerstellings van demone is nie nuut nie.

Eva het teen God gesondig deur ‘n leerstelling van Satan.
Satan het vir haar gejok, haar van die waarheid gelok,
en sy is mislei (1 Timoteus 2:14). Satan het geen
persoonlike kontak met haar gehad nie; hy het deur die
slang gewerk om die waarheid van God se instruksies
te bevraagteken; die slang het aan haar iets anders
voorgestel, wat ‘n verdraaiing van God se Woord was.
Hy het vir haar gesê, “Het God regtig gesê julle mag
niks van die vrugte in die tuin eet nie?” (Genesis 3:1).

Dit is soos wat jy vandag in sekere kringe vind;
terwyl die Woord van God leer, “Wees lief vir wie jy
trou,” sê hulle, “Trou met wie jy liefhet.” Waarna mik
hulle? Die idee van huwelike van dieselfde geslag!
Dus, ‘n man kan sê, “Wel, die huwelik gaan oor liefde;
ek is verlief op ‘n ander man.” Dis die verleiding; ‘n
leerstelling van demone!

Baie word subtiel op die verkeerde pad gelok, met
tekste wat verkeerd geïnterpreteer word, en hulle dink
alles is goed; iets is verkeerd. Die Bybel sê, “Ondersoek
julleself of julle in ’n egte geloofsverhouding met
Christus staan…” (2 Korintiërs 13:5). Daar is geen
ander manier om jouself te ondersoek behalwe deur
die Woord van God nie.

Daar sal nooit ‘n opdatering van die Bybel wees
nie. Dit waarin jy glo en leef, moet ooreenstem met
wat die Bybel sê. Die Woord van God is, en moet, jou
leidende beginsel vir die lewe wees. Daardie Woord
sê, “Besef julle dan nie dat mense wat ’n sondige
lewe lei, geen deel sal kry aan die koninkryk van
God nie? Moenie julleself mislei nie. Mense wat
’n onsedelike lewe lei, afgodsdienaars, egbrekers,
manlike prostitute en die mans wat met hulle
omgaan, diewe, gierigaards, drinkers, kwaadpraters,
swendelaars – nie een van hierdie mense sal deel kry
aan die koninkryk van God nie” (1 Korintiërs 6:9-10).

GEBED:

Liewe Vader, dankie vir u Woord, wat ‘n lamp vir my
voete en ‘n lig vir my pad is. Ek glo, aanvaar en leef
slegs volgens u Woord. My gedagtes, keuses, idees,
opinies en besluite word aan u Woord onderwerp.
My stappe word volgens u Woord georden, wat my
altyd betroubare gids is, in Jesus se Naam. Amen.

VERDERE STUDIE:

1 Korinthiërs 3:11; Romeine 12:2; 2 Korinthiërs 13:5 NIV