DAGSTUKKIES UIT DIE BYBEL:
ELKE DAG KERSFEES

Want ons is God se handewerk. Hy het ons in ons eenheidsband met Christus Jesus só gemaak dat ons die goeie werke wat Hy vir ons bestem het, kan uitlewe (Efesiërs 2:10).

Jesus is gebore sodat mense die goeie lewe kan hê, soos ons teksgedeelte onthul. In Johannes 10:10 het Hy gesê: “Ék het gekom sodat hulle lewe kan hê, ja, sodat hulle dit oorvloedig het.”

Jy is nie gebore om bloot te lewe nie, maar om die goeie lewe te lei wat Hy vooraf vir jou voorberei het – ’n uitstekende lewe. Nou kan jy vol entoesiasme, vreugde en krag wees, groot dinge doen en jou wêreld elke dag seën. Dit kan elke dag vir jou Kersfees wees! Dit is God se plan en selfs nou sy Woord aan jou en sy Woord aan jou is al wat saak maak

Jy het iets om te vier, nie net hierdie feesseisoen nie, maar elke dag: sy lewe in jou; sy Woord in jou gees. Maak nie saak waar jy in hierdie wêreld is nie, ongeag die uitdagings waarvoor jy te staan kom, kan jy uitroep: ‘Ek is vry’, want Jesus het jou ‘n lewe gegee wat hierdie wêreld te bowe gaan, ‘n lewe wat beter is as die dekadensie en korrupsie van ‘n mislukte wêreld; ‘n lewe wat goddelik is; onbesmet en immuun teen siektes, kwale en krankhede; ‘n lewe wat onvernietigbaar is. Eer aan God!

Miskien leef jy in vrees as gevolg van ‘n ongunstige diagnose van jou dokters oor jou gesondheid; die lewe in jou is beter as daardie siekte. Jy het by die plek gekom waar siektes en kwale hul greep op jou verloor het. Laat staan die vrese. Wandel in die waarheid; leef in die waarheid.

Die waarheid is dat jy die God-lewe in jou het; jy is ‘n nasaat van die Woord. Groter is Hy wat in jou is as enige siekte wat kan probeer om homself aan jou te heg. Jy het diabetes, hartprobleme, borspyn, kanker, veselgewasse of enige ander gesondheidsuitdaging oorwin! Die krag van God is nou in jou. Sodat jou ELKE DAG in volmaakte gesondheid, voorspoed, vrede en vreugde kan lewe en dit kan geniet; dit is wat Kersfees beteken. Dis waarom Jesus gekom het (Johannes 10:10). Geseënd is sy Naam vir ewig.

BELYDENIS

Ek is ’n sukses; ek leef gesond, want die lewe van God is in my, die krag van God is in my. Geen siekte of swakheid kan in my liggaam floreer nie, want my liggaam is die tempel van die Heilige Gees! Ek lei die goeie lewe wat vir my vooraf berei is voor die grondlegging van die wêreld. Ek leef in die oorwinning, heerlikheid, heerskappy en geregtigheid van Christus; dit is ELKE DAG Kersfees! Halleluja!

VERDERE STUDIE:

1 Petrus 2:9 AMPC; Johannes 10:10 AMPC