DAGSTUKKIES UIT DIE BYBEL:
GEREGTIGHEID GEE JOU HEERSKAPPY

Die oortreding van hierdie een mens,
Adam, het veroorsaak dat die dood oor
ons regeer, maar deur die een mens,
Jesus Christus, word vir ons nog veel
meer gegee (Romeine 5:17).

Die letterlike vertaling van die woord “regeer”
in die vers hierbo is “koning” of “koning
wees”; dit is die werkwoord van koningskap. Jy sou
dus kan sê, “Diegene wat oorvloed van genade en
die gawe van geregtigheid ontvang, sal “koning” of
“konings wees” in die lewe” deur Jesus Christus.
Openbaring 1:6 sê dat Hy ons konings en priesters
vir God gemaak het; en wat doen konings? Hulle heers
en regeer; hulle oefen gesag en heerskappy uit oor hul
ryk. In die eerste vers hierbo regeer ons op die gebied
van die lewe.

Geregtigheid is die goddelike vryspraak deur
geloof, op grond van die nuwe skepping in Christus
Jesus. Dit is ‘n geskenk van God aan die hele wêreld,
geaktiveer vir diegene wat die heerskappy van Jesus
ontvang en bely. Dit is hulle wat in die lewe sal regeer!
Die Amplified weergawe sê, “…they shall reign as kings
in life.”

Geregtigheid gee jou heerskappy; geregtigheidbewustheid
skakel skuld, veroordel ing of
minderwaardigheid uit, en plaas jou bo Satan en sy
beskuldigings. Dit gee jou ook die vrymoedigheid en
vertroue om tot God te bid en antwoorde te verwag;
jy is nie bang en onbeskaamd voor Hom nie, want
jy het vrede met Hom deur die Here Jesus Christus
(Romeine 5:1).

Sonder ‘n begrip van geregtigheid, kan jy regtig
nie oorwinnend leef oor die teëstander en teëspoed
nie. Jy sal onderworpe wees aan die elemente van
hierdie wêreld, terwyl jy bedoel is om daaroor te heers
en te regeer.

Raak meer bewus daarvan dat jy die geregtigheid
van God in Christus Jesus is. Bly en leef in die Woord.
Verklaar in geloof, “Ek is ‘n koning en ek regeer in
geregtigheid; ek is beter as Satan, sy demone en
omstandighede.” Deur die krag van Jesus Christus
word die hele wêreld voor jou onderwerp. Jy het die
heerskappy oor Satan en die heersers van die duisternis
van hierdie wêreld! Eer aan God!

BELYDENIS:

Ek is geregtigheidsbewus. Daarom is ek baas oor
omstandighede, demone en die manipulasie daarvan.
Die engele van God dien selfs nou namens my, want
ek het ‘n oorvloed van God se genade ontvang en ek
is ‘n kampioen in hierdie lewe. Halleluja!

VERDERE STUDIE:

Romeine 5:20-21; Romeine 5:17 AMPC