DAGSTUKKIES UIT DIE BYBEL:
HY BORG DIE SIELE WENNER

Maar ek het dit noodsaaklik geag om Epafrodítus, my broeder en medewerker en medestryder, julle afgevaardigde en bedienaar van my behoefte, na julle te stuur, …. Want ter wille van die werk van Christus het hy tot naby die dood gekom en sy lewe gewaag om aan te vul wat julle kortgekom het in die diensbetoning aan my (Filippense 2:25-30).

Ons het ’n goddelike opdrag om die evangelie na die uithoeke van die aarde te neem. Jesus het gesê: “Gaan die hele wêreld in en verkondig die evangelie aan die ganse mensdom” (Markus 16:15). In Lukas 22:35 het Hy sy dissipels iets heel merkwaardig gevra: “Toe Ek julle uitgestuur het sonder beurs en reissak en skoene, het julle iets kortgekom? En hulle antwoord: Niks nie.” Dit wys dat wanneer God jou met ’n opdrag stuur, Hy toesien dat alles wat jy nodig het om dit te vermag tot jou beskikking is. Al wat God van jou verlang is jou toewyding tot die opdrag. Die sielewenner word deur God geborg. So, wees daarom vasberade dat daar geen perk sal wees op hoe ver jy bereid is om te gaan in die verspreiding van die evangelie rondom die wêreld nie.

Aangesien God met jou is en Hy jou liggaam sy lewende tempel gemaak het, sal die evangelie nie gestuit word nie. Dit is die tipe toewyding wat ons in die Apostel Paulus sien en dis die moeite werd om dit na te doen. Hy het gesê: “…wee my as ek die evangelie nie verkondig nie” (1 Korintiërs 9:16).

Sommige mense wy hul tyd en hulpbronne daaraan toe om toe te sien dat die evangelie al die nasies van die wêreld bereik. Hulle bevorder God se agenda en maak op vir ander se tekortkominge. Hulle gee soveel geld vir die uitbreiding van die evangelie en hoe meer hulle gee, hoe meer stuur God in hulle rigting sodat hulle groter dinge kan vermag vir Hom. Hy voorsien alles wat jy verg om sy doel van sielewinning te vervul.

Besluit dat die evangelie deur jou sal floreer en jy sal aanhou om dit te bevorder tot die wegraping van die Kerk.

GEBED

Liewe Vader, dankie dat U die evangelie aan my toevertrou het en my die hulpbronne, tyd, energie en idees gegee het om dit vinnig en onverhinderd regoor die wêreld te versprei. Deur my, versprei die kennis van Christus oraloor; die lig van die glorieryke evangelie van Christus verdryf die duisternis uit die harte van die verlorenes en beïnvloed hulle met die boodskap van die ewige lewe en vestig hulle in geregtigheid, in Jesus se Naam. Amen.

VERDERE STUDIE:

Johannes4:34; Spreuke 11:30; Markus 6:7-13