DAGSTUKKIES UIT DIE BYBEL:
HY IS DAAR IN JOU NAAM

In die huis van my Vader is daar baie wonings; as dit nie so was nie, sou Ek dit vir julle gesê het. Ek gaan om vir julle plek te berei. En as Ek gegaan en vir julle plek berei het, kom Ek weer en sal julle na My toe neem, sodat julle ook kan wees waar Ek is (Johannes 14:2-3).

Sommige mense dink die bostaande Skrif beteken dat Jesus Hemel to gegaan het om ons wonings te gaan bou. So, hulle dink wanneer iemand sy of haar hart vir die Here gee, begin God om vir daardie persoon ’n huis te bou in die hemel. Maar hulle vergeet dat die Bybel sê: “…alhoewel sy werke van die grondlegging van die wêreld af volbring is” (Hebreërs 4:3). Die Hemel is ’n pragtige plek en dit is reeds gebou. So, watter plek het Jesus dan van gepraat?

Die antwoord is eenvoudig: Die Bybel sê dat Jesus in die hel geseëvier het en toe Hy aan sy dissipels in Galilea verskyn het, het Hy gesê: “Wees gegroet!” (Matteus 28:9). Toe is Hy hemel toe waar daar vir Hom ’n plek gemaak is! Daardie plek is nie ’n stoel naby of langs die Vader nie, nee, Hy het die Vader se sitplek gekry! Hy sit op die Vader se troon van Majesteit, in die hemele. Dit is die plek van hoogste gesag.

Dan sê die Skrif: “AS julle dan saam met Christus opgewek is, soek die dinge daarbo waar Christus is en aan die regterhand van God sit” (Kolossense 3:1).

Alles wat Jesus gedoen het, was vir ons. So, die plek wat Hy vir ons gaan voorberei het, is die plek aan die regterhand van die Vader; Hy het vir ons ’n plek in en by Hom in heerlikheid gekry. Nou sit ons saam met Hom in die hemele.

Hebreërs 9:24 sê: “Want Christus het nie ingegaan in ‘n heiligdom met hande gemaak, ‘n teëbeeld van die ware nie, maar in die hemel self om nou voor die aangesig van God vir ons te verskyn.” Solank Jesus in die hemel is, word ons goed verteenwoordig daar. Hy verteenwoordig ons daar!

Dis waarom Hy vir ons gesê het om in sy Naam te leef. Kolossense 3:17 sê: “En wat julle ook al doen in woord of in daad, doen alles in die Naam van die Here Jesus….” Want Hy is daar in ons naam en ons is hier in sy Naam. Ons heers en regeer oor die Satan en sy duistere trawante, in sy Naam. Halleluja!

BELYDENIS

Die Here het my na ’n heerlike plek gebring, ’n plek van gesag en heerskappy, waar ek heers en regeer oor alle owerhede en magte en kragte en heerskappy en elke naam wat genoem word. Wanneer ek praat, reageer die hele skepping, want ek leef in sy Naam. Ek verbreek sommer nou die Satan se invloed oor mense se lewens en verklaar dat die lig van die glorieryke evangelie in hulle harte skyn, in Jesus se Naam.

VERDERE STUDIE:

Efésiërs 2:6 TLB; Lukas10:19 AMPC