DAGSTUKKIES UIT DIE BYBEL:
HY IS IN STAAT OM TE KEER DAT JY VAL

Kom en geniet saam met ons die Dagstukkies uit die Bybel vandag, Suid Afrika. Die Goeie Nuus  Bybel vers vir vandag en Bybelstudie kom uit  die Rhapsody van Realiteite van Pastoor Chris Oyakhilome, die wêreld se #1 Dagstukkie:

“Aan Hom nou wat magtig is om julle van struikeling te bewaar en julle sonder gebrek voor sy heerlikheid te stel met gejuig, aan die alleenwyse God, ons Verlosser, kom toe heerlikheid en majesteit, krag en mag, nou en tot in alle ewigheid! Amen” (Judas 1:24-25).

Die Skrif hierbo is net so vertroostend; die Here is in staat om te keer dat jy val en kan jou met groot vreugde foutloos voor die aangesig van sy heerlikheid aanbied. Dit is deel van sy bediening in jou lewe. Eer aan sy Naam vir ewig!

As dit gesê het: “Hy tel jou op elke keer as jy val,” sou dit wonderlik gewees het. Maar sy werk is nie om jou op te tel elke keer as jy val nie, maar om te keer dat jy val. Sommige mense glo dat ons as Christene val en dan weer opstaan, maar dit is nie wat die Woord sê nie. Moenie glo dat jy moet val nie. Aanvaar wat die Woord van God sê eerder as jou ervarings, of dié van ander.

Verstaan dit: die aanvaarding en uitleef van God se Woord is waar die krag en heerlikheid lê. Elke keer wanneer jy die Woord bevestig, produseer dit in jou wat dit sê. Daarom, eerder as om ’n stygende en dalende mentaliteit te hê, verklaar gereeld: “Die Here kan keer dat ek val; daarom sal my voet nie gly nie. Ek is altyd bó, standvastig, onbeweeglik, altyd oorvloedig in die werk van die Here. Eer aan God!”

Ongeag die gebeure om jou, wees vrymoedig om te verklaar: “My lewe gaan net opwaarts en vorentoe; ek staan sterk in geloof; niks skud my nie; ek is diep gewortel in Christus, die Soliede Rots, en Hy laat my nooit val nie!” Maak dit jou bepeinsing en begrip van Christus en sy bediening in jou lewe sal vervul word. Geseënd is God!

BELYDENIS

Ek het ’n lewe wat net opwaarts en vorentoe gaan; geen op- en afdraandes nie, want in Christus gaan ek ewig opwaarts! Hy ondersteun my met sy regterhand van geregtigheid, sodat ek nooit struikel nie. My pad is soos die van die môrester wat helderder en helderder skyn tot op die perfekte dagbreek. Halleluja!

VERDERE STUDIE:

Spreuke 4:18; 2 Petrus 1:8-10; Judas 1:24-25 TPT