DAGSTUKKIES UIT DIE BYBEL:
JY IS WAT JY SÊ

Dit verseker Ek julle: Elkeen wat vir hierdie berg sê:’ Lig jou op en val in die see,’ en daarby nie in sy hart twyfel nie, maar glo dat wat hy sê gebeur, vir hom sal dit gebeur (Markus 11:23).

Jou lewe is die opsomming van die woorde wat vanuit jou kom. Ons openingsvers lê klem op die belangrikheid dat jou lewe met jou woorde omraam word. Dit is die mooiste natuurlike gawe van God aan die mens- die gawe van woorde. Die vermoë om te praat en woorde te skep.

Wat jy sê sal jy kry en hier is daar geen middeweg. As ’n Christen, moet jy bly spreek: As jy in gesondheid wil lewe, spreek gesondheid. As jy in geregtigheid wil wandel en altyd goeie werke voortbring in geregtigheid, spreek dan geregtigheid. Verklaar gereeld doelbewus, “Ek is die regverdige van God in Christus Jesus. Ek bring werke en vrugte van geregtigheid voort.”

Jy moet dit sê, om dit te lewe. Jy mag sê: “Wat as ek niks gesê het nie? Hoe sal my lewe wees?” Jy het steeds ‘n oes. Ongelukkig sal dit die verkeerde een wees. Dis soos om ‘n tuin te verwaarloos. Onkruid sal beslis groei vanself. Hou jouself in oorwinning, heerskappy en voorspoed met jou woorde.

God het alreeds als gedoen wat nodig is vir jou om ‘n lewe te hê en ten volle te geniet in Christus, deur die krag van die Heilige Gees. Dit is jou verantwoordelikheid nou om dinge so te hou en dit is hoofsaaklik deur jou belydenis. Bevestig altyd dat jy ‘n goeie lewe het. Verklaar dat jy geroep is vir heerlikheid en reinheid- ‘n lewe van krag en morele uitmuntendheid. Maak hierdie verklarings elke dag.

Daar is niks wat jy nie het nie (1 Korinthiërs 3:21; 2 Petrus 1:3), en daar is niks wat jy nie kan doen nie (Filippense 4:13). Daarom, verklaar altyd oorvloed, bonatuurlike voorsiening, krag, moontlikhede en oorwinnings en jou lewe sal gaan in daardie rigting alleenlik.

BELYDENIS

Die heerlikheid van God is geopenbaar aan my vandag. Sy wysheid word gesien en gehoor in my soos ek in die Woord wandel en vrugte van geregtigheid voortbring. Ek is bonatuurlik toegerus en voorsien. Niks ontbreek of is stukkend in my lewe nie! Ek is vol van krag, want Christus is in my. Hy is my heerlikheid, my geregtigheid, wysheid, sukses en voorspoed. Loof sy Naam vir altyd.

VERDERE STUDIE:

Hebreërs 11:3; Matthéüs 12:36-37 NIV

Markus 5:21-43 & Levitikus 22-23

Matthéüs 16:21-28 & Exodus 3