DAGSTUKKIES UIT DIE BYBEL:
JY’T GEKOM MET ’N DOEL

Want ons is God se handewerk. Hy het ons in ons eenheidsband met Christus Jesus so gemaak dat ons die goeie werke wat Hy vir ons bestem het, kan uitlewe (Efesiërs 2:10 NLV).

God het ’n doel met jou lewe. Hy het ’n doel met alles wat Hy doen. In Johannes 10:10 NLV het Jesus gesê: “Ek het gekom sodat hulle lewe kan hê, ja sodat hulle dit oorvloedig het.” 1 Johannes 3:8 NLV sê: “…Juis daarvoor het die Seun van God verskyn: om die dade van die duiwel te vernietig.”  In Lukas 19:10 (NLV) het die Meester gesê: “Ek, die Seun van die Mens, het immers gekom om wat verlore is, te soek en te red.”Sy doel was duidelik: Hy het gekom om die Vader se wil te doen.

Verstaan dat jy gebore is met ’n doel – jy het gekom om die wil van jou hemelse Vader te doen. In Handelinge 26 lees ons oor Saulus van Tarsus wat op pad na Damaskus ’n ontmoeting met die Here gehad het. Die Here het hom op sy naam geroep en gesê:

“…Ek het juis hiervoor aan jou verskyn om jou as my dienskneg en getuie aan te stel…” (Handelinge 26:16). God doen niks sonder ’n doel nie. Die rede waarom Hy aan Saulus, wat later Paulus geword het, verskyn het was om hom ’n dienskneg en ’n getuie te maak sodat hy (Paulus) die evangelie na die heidene kon neem  (Handelinge 26:17).

Het jy al jou doel ontdek? Weet jy waarom jy gebore is? As jy nog nie uitgevind het nie kan jy dit vandag nog doen! Wees dapper en vra die Here. Hy sal jou sê. Hy sal jou lei na daardie doel soos jy met Hom wandel en die dinge doen wat Hy jou geroep het om te doen.

Jy’s nie verniet gebore nie. Jy is gebore tot verheerliking van God. Jy is gebore om met Hom te wandel en Hom eer te bring. Hy het van die begin af beplan dat jy Hom sal dien en vir Christus sal lewe. Laat daardie doel in jou hart gevestig word en jy sal geweldige groei en sukses ervaar in jou lewe en in alles wat jy doen.

BELYDENIS

Ek het na die wêreld gekom vir ’n tyd soos hierdie, met ’n doel om die lewe te lei wat God vooraf bepaal het vir my, voor die grondlegging van die wêreld. Hy het beplan dat ek Hom sal dien en vir Hom sal lewe en dat ek sy geregtigheid sal vestig op die aarde en in mense se harte. Ek vervul hierdie doel daagliks, in Jesus Naam. Amen.

VERDERE STUDIE:

Jeremia 1:5; Kolossense 4:17