DAGSTUKKIES UIT DIE BYBEL:
LEWE VIR CHRISTUS

Vandag gee ek aan jou die keuse tussen lewe en dood, tussen seën en vloek. Ek roep die hemel en die aarde as getuies vir die keuse wat jy gaan maak. Mag jy tog die lewe kies sodat jy en jou nageslag mag lewe! (Deuteronomium 30:19).

Daar is Christene wat onrustig is oor die wegraping, onseker oor hul ewige saligheid.

Die Here wil nie hê dat ons in vrees of angs moet leef nie. Vir seker is die ewige saligheid ’n werklikheid vir die een wat wedergebore is, maar dit is onderhewig daaraan dat jy die Christus-lewe leef; lewe in sy geregtigheid tot die einde.

As iemand wat wedergebore is byvoorbeeld later van plan verander en nie meer vir Jesus volg nie is hy in die moeilikheid, want sy ewige saligheid by God is in gedrang. Wanneer jy wedergebore word, word jy in God se teenwoordigheid gebore; jy leef in God se teenwoordigheid. Hy is jou Beskermer. Hy beskerm jou en volgens die Skrif kan niemand kan jou uit sy hand ruk nie.

Die lewe is egter vol keuses. Jy moet die keuse maak om voortdurend vir Hom te leef. Wanneer God ons lei, bied Hy ons opsies en dan sê Hy ook vir ons watter een om te kies. Maar Hy dwing ons nie om die regte keuse te maak nie, alhoewel Hy ons laat verstaan wat die gevolge van die verkeerde keuses is.

Wat jy dus moet doen, is om volgens sy Woord te leef. Dit is die eenvoudigste ding ooit. Wanneer jy wedergebore is, is dit die natuurlikste ding om volgens jou nuwe natuur in Christus te leef. Om reg te leef is vir jou só natuurlik dat jy in die versoeking moet kom om verkeerd te doen. Dit is ook waar die bediening van die Heilige Gees inkom. Die Heilige Gees help jou om die Christelike lewe te lei en met Hom in jou lewe hoef jy nooit bekommerd te wees dat jy die pad byster sal raak nie.

Verder sê die Bybel: “Aan Hom wat magtig is om julle van val te bewaar, en julle sonder vlek met groot vreugde voor sy heerlike teenwoordigheid stelling te laat inneem” (Judas 1:24). Soos jy vir die Here leef en Hom passievol dien, met absolute oortuiging, sal Hy sy doel en bediening in jou lewe vervul.

BELYDENIS

Ek leef doelgerig, vervul my bediening en roeping in Christus Jesus. Ek weier om toe te laat dat enigiets my aandag van die Here en sy ewige Koninkryk wegneem. Ek is nie sleepvoet in my toewyding nie; ek is vurig van gees en dien die Here, sodat ek my wedloop met blydskap kan voltooi, asook die bediening wat ek by die Here Jesus ontvang het om oor die evangelie van God se genade te getuig. Halleluja!

VERDERE STUDIE:

2 Petrus 1:5-11; 2 Korinthiërs 5:15