DAGSTUKKIES UIT DIE BYBEL:
MOENIE WROKKE KOESTER NIE

Daarom moet julle julle sondes teenoor mekaar bely en vir mekaar bid sodat julle gesond kan word. Die gebed van iemand wie se saak met God reg is, het ’n kragtige werking (Jakobus 5:16).

‘n Dienaar het eenkeer ’n verhaal vertel van twee vroue in sy Kerk wat lank gestry het. Een van hulle het vir ’n paar jaar skildklier probleme gehad en ten spyte van sy gebede vir haar, het dit nie genees nie. Die tweede vrou kon nie die Heilige Gees ontvang nie; sy kon net nie in tale bid nie, al het hy verskeie kere vir haar gebid om die Heilige Gees te ontvang.

Een Sondagoggend, terwyl hy tydens die diens by die podium staan, kom een van hulle daar aan en kry ’n sitplek, maar toe sy sien dat die sitplek langsaan deur die ander vrou ingeneem is, staan sy op om van sitplek te verander.

Op daardie stadium het die Pastoor van die podium af weggedraai om hulle te groet en het vir hulle gesê: “Ek sal dit nie langer verdra nie; julle kom of bymekaar as susters of gaan uit!” Skielik het beide vroue in trane uitgebars en begin om mekaar om verskoning te vra. Beide van hulle was gereed om die blaam te dra terwyl hulle huil en mekaar omhels. Net daar, voor hulle oë, het die skildklierprobleem verdwyn en die ander dame is gevul met die Gees en het in tale gebid.

Duidelik het daardie wrokke vir baie jare die manifestasie van die seëninge in hulle lewens verhoed, sonder dat hulle dit besef het. Al wat hulle moes doen was om hulle foute teenoor mekaar te erken. Dit is wat ons lees in ons temavers: “Daarom moet julle julle sondes teenoor mekaar bely…” Dit beteken, erken jou foute; weier om ’n wrok te koester.

Selfs al dink jy dat jy nie die een is wat die fout gemaak het nie, maak dit nie saak nie nie; sorteer die probleem uit. Doen wat die Woord sê. Moenie aandring daarop om jou sin te kry nie. Die Bybel sê, ly die onreg en laat dit daarby (1 Korintiërs 6:7) eerder as om die wrok teenoor jou broer of suster in die Here te koester.

BELYDENIS

Die Heilige Gees help my om my emosies en houding te beheer; ek het ’n uitstekende karakter en waar ek is skep ek ’n atmosfeer van liefde, vriendelikheid en genade. Ek sien doelbewus ander se foute oor die hoof, want ek is die liefdeskind van ‘n God van liefde met sy aard en karakter van liefde in my. Amen.

VERDERE STUDIE:

Romeine 12:9-10; Romeine 5:5; Jakobus 5:16 AMPC