DAGSTUKKIES UIT DIE BYBEL:
ONDERSOEK JOU EIE GELOOF

Ondersoek julself of julle in die geloof is; stel julself op die proef (2 Korintiërs 13:5).

Daar is diegene wat dink dat die Here rampe toelaat om te gebeur, of dat Hy is vir die teëspoed wat mense ervaar. Dis soos die ou wat gekla het: “Ek is daar buite besig om God te dien, ek werk elke dag vir Hom en tog het Hy die duiwel toegelaat om my baba dood te maak.” Maar dit kan nie waar wees nie! Die Here is nie verantwoordelik vir die kwaad wat mense aangedoen word of die ongelukke wat hulle ervaar nie. Dit stem nie met sy aard ooreen nie. Hy is die verpersoonliking van liefde; daar is geen duisternis in Hom nie.

Wat ook al jy oorgekom het, is nie van God af as dit nie ooreenstem met dit wat Christus in sy evangelie beskikbaar gemaak het. Die lewe is geestelik en jy is verantwoordelik vir jou lewe—wat met jou gebeur. Dit gaan oor jou geloof en hoe jy dit gebruik. Jesus het in Matteus 17:20 gesê: “…En Jesus antwoord hulle: Deur julle ongeloof; want, voorwaar Ek sê vir julle, as julle geloof het soos ‘n mosterdsaad sal julle vir hierdie berg sê: Gaan weg hiervandaan daarnatoe! en hy sal weggaan, en niks sal vir julle onmoontlik wees nie.”

Dit is ’n soewereine verklaring, so die vraag is: Wat gaan jy met jou geloof doen? Hoe pas jy jou geloof toe? Die Bybel sê: “Maar die regverdige sal uit die geloof lewe…” Hebreërs 10:38. Dit is jou verantwoordelikheid om jou geloof te gebruik om met lewenskrisisse af te reken. Jakobus 1:22  sê: “En word daders van die woord en nie net hoorders wat julleself bedrieg nie.” Dit is die sleutel, om die Woord te doen. Jy oefen jou geloof uit deur die Woord toe te pas; ons is Woordpraktisyns.

As dinge nie uitwerk soos jy verwag nie, lê die fout nie by God nie, want Hy is volmaak. Omdat Hy volmaak is, moet jy iewers anders fout soek. Dalk het jy Hom of sy Woord nie goed genoeg verstaan nie. So, die regte ding om te doen, is om jou eie geloof te ondersoek soos ons in ons temavers gelees het.

Die lewe van geloof wat vir ons gegee is, is nie ’n bedrogspul nie. Die Here kruip nie agter geloof weg sodat Hy nie hoef te doen wat Hy gesê het Hy sal doen nie. Geloof werk altyd. As dit nie gewerk het nie, was dit nie geloof nie. So, hou aan groei in geloof deur jou kennis van die Woord te vermeerder.

GEBED

Liewe Vader, U is volmaak en in U is daar geen verandering of skaduwee van omkering nie. Ek neem beheer van my lewe, maak my geloof groter deur die Woord en versterk dit deur gebruik. So produseer ek oorwinnings in alle situasies en omstandighede, in Jesus se Naam. Amen.

VERDERE STUDIE:

Psalm 18:30; 2 Korinthiërs 1:20; Hebreërs 13:8