DAGSTUKKIES UIT DIE BYBEL:
ONDERWERP JOU PLANNE EN BEGEERTES AAN HOM

Kom en geniet saam met ons die Dagstukkies uit die Bybel vandag, Suid Afrika. Die Goeie Nuus  Bybel vers vir vandag en Bybelstudie kom uit  die Rhapsody van Realiteite van Pastoor Chris Oyakhilome, die wêreld se #1 Dagstukkie:

“Nou wil ek julle baie ernstig vra, broers: As julle dink aan alles wat God in Sy groot barmhartigheid vir julle gedoen het, gee dan julleself aan Hom as ’n lewende en heilige offer. Dit is dié soort offer waarvan Hy hou en wat julle diens aan God werklik sinvol maak” (Romeine 12:1 NLV).

Dikwels het mense begeertes wat nie strook met God se plan nie. Hulle gee nie om oor God se wil nie, daarom doen hulle wat hulle wil en hoop dat God, op ’n manier, hul dade sal aanvaar. Hulle probeer hul wil op Hom afdwing, maar dit werk nie so nie. As jy hulle vra: “Hoekom doen jy hierdie dinge?” sal hulle vir jou sê: “Ek het daaroor gebid.” So ver dit hulle aangaan, moet God hul dade en keuses aanvaar, aangesien hulle daaroor “gebid” het. Dis belaglik!

Daar’s ’n verskil tussen iets doen omdat jy daaroor “gebid” het en om iets te doen omdat God gesê het jy moet en omdat dit sy wil vir jou is. Laasgenoemde is die beste en veiligste plek om te wees, om God se doel vir jou lewe te vervul. Moet nooit jouself besig hou met dinge waarvoor jy dink jy nié God se goedkeuring nodig het nie. Net omdat ’n plan, ’n idee, of begeerte jou hele lewe lank al in jou hart is, beteken dit nie dit kom van God af nie.

Daar is mense wat met demone gebore is. Ander kry demone soos hulle grootword in ’n omgewing wat besoedel is met kwaad, boosheid en demoniese manifestasies. Dit is een van die redes waarom sommige mense grootword met morbiede begeertes wat hulle vir baie jare bybly en uiteindelik tree hulle daarvolgens op.

Maar nou dat jy wedergebore is, verwag God van jou om jou liggaam aan Hom te wy as lewende offer. Jou gedagtes moet ook op sy Woord gevestig wees, jou hart moet deur die Woord gereguleer word. Dit is die rede vir oordenking. As jy die Woord bepeins, hou dit wag oor jou gedagtes, lei dit in die dinge van God en in die rigting van sy planne en doel vir jou lewe. Moenie optree volgens die vleeslike begeertes van die gedagtes wat deur die wêreld en sy stelsels geïnspireer word nie. Bly gefokus op die Woord.

BELYDENIS

My gees, siel en liggaam is met God gevul. Ek slaan net op sy gedagtes, idees en begeertes ag. Hy werk in my om te wil en te doen volgens sy welbehae. My lewe is ’n uitdrukking van sy wil en heerlikheid. Halleluja!

VERDERE STUDIE:

Romeine 12:1-2; Spreuke 3:5 AMPC