DAGSTUKKIES UIT DIE BYBEL:
ONS IS SY “WIE IS HIERDIE MENSE”

Wie is hierdie Man? Ook die wind en die see luister na Hom (Markus 4:41 ABA).

Die Here Jesus was ’n wonderwerker op aarde; ’n meester oor omstandighede. Eendag het die dissipels in verwondering oor Hom die vraag gevra wat ons lees in ons temavers. Dit was nadat Hy die stormwind stilgemaak het.

Op ’n keer het die dissipels ver uitgevaar oor die see toe hul skielik ’n figuur na hulle toe sien aankom op die water. Dit was Jesus. Weer het hul gewonder: “Wie is hierdie Man wat die natuurwette oorskry?” Dink aan sy hemelvaart. Hy’t eenvoudig opgestyg en deur die wolke opgevaar hemel toe.

Dis die moeite werd om te weet wie Jesus regtig is. Voor jy Hom nie ken nie kan jy nie ware geloof in Hom hê nie en sal jy nie jouself ken nie. Hier’s iets heel buitengewoon: enigeen wat in Jesus glo, ontvang dieselfde lewe as wat Hy het. Johannes 1:12-13 sê: “Maar aan almal wat Hom aangeneem het, het Hy die mag gegee om kinders van God te word… wat nie uit die bloed of uit die wil van die vlees of uit die wil van ’n man nie, maar uit God.” Neem kennis dat die laaste gedeelte sê jy is uit God gebore, wat beteken jy is gebore uit dieselfde Woord wat Jesus geword het.

1 Petrus 1:23 sê: “Wedergebore nie uit verganklike saad nie, maar uit onverganklike, deur die lewende woord van God wat tot in ewigheid bly.” Jakobus  1:18 sê: “Volgens Sy wil het Hy ons voortgebring deur die woord van waarheid…”

Ons is dieselfde (wie is hierdie mense) as Jesus, want ons is kinders van die Woord. Geen wonder Johannes het gesê: “Soos Hy is, so is ons ook in hierdie wêreld” (1 Johannes 4:17). Alle goddelikheid is in Jesus gevestig; Hy is die lewende God—Hy het gewandel en gepraat in ’n menslike liggaam. Daardie selfde volheid van goddelikheid beweeg vandag in jou. Soos Hy, is jy die lewende, bewegende huis van die lewende God. Halleluja!

BELYDENIS

Ek is die tempel van die lewende God. Sy bewegende hoofkwartiere op aarde vandag. In Hom lewe ek, beweeg ek en bestaan ek. Die hoër Een lewe in my en ek is gevul met sy volheid en versprei die waarhede van die Koninkryk op elke plek. Amen!

VERDERE STUDIE:

Handelinge 17:28; 2 Korinthiërs 6:16