DAGSTUKKIES UIT DIE BYBEL:
OORWINNING OOR DUIWELS

Kom en geniet saam met ons die Dagstukkies uit die Bybel vandag, Suid Afrika. Die Goeie Nuus  Bybel vers vir vandag en Bybelstudie kom uit  die Rhapsody van Realiteite van Pastoor Chris Oyakhilome, die wêreld se #1 Dagstukkie:

Want ons stryd is nie teen mense nie, maar teen bose regeerders en maghebbers, teen die geeste wat heerskappy in hierdie donker wêreld uitoefen, teen die bose geeste in die hemelruimtes (Efesiërs 6:12).

Daar is mense wat hulself probeer oortuig dat demone nie werklik is nie; dat dit net ons verbeelding is. Maar hulle is verkeerd! Demone is werklik en die Satan loop graag te koop met die idee dat die bedrieëry nie bestaan nie, want hy is dol oor mense se onkunde. Maar ons temavers vertel ons dat ons baklei teen “…bose regeerders en maghebbers, teen die geeste wat heerskappy in hierdie donker wêreld.” Dit is bose geeste.

Tot die vasgestelde tyd wanneer hulle geoordeel gaan word, gaan die Satan en sy demone alles in hul vermoë doen om jou onder te kry, jou werk te vernietig en jou te frustreer. Maar moenie bang wees nie; hulle tel nie. In Christus het jy die oorwinning oor die Satan en al sy duistere trawante. Hulle is bloot rebelle wat oploop is en probeer amok maak en almal wat hulle toelaat frustreer. Dit is waarom jy die Woord moet ken en daarby moet hou en jou oorwinning in Christus behou. Die Bybel sê jy moet die duiwel weerstaan en dan sal hy van jou af wegvlug (Jakobus 4:7). Hoe weerstaan jy die duiwel? Met die Woord.

Dit maak nie saak of dit ’n gesondheidstoestand is wat medies onverklaarbaar is, of probleme by die werk, of in jou besigheid, of familie nie; bevestig die Woord! Efesiërs 6:13 sê: “Daarom moet julle God se gevegstoerusting aantrek. Dan, wanneer die Bose julle aanval, sal julle weerstand kan bied, en na die hele geveg verby is, sal julle nog vas staan.” Wanneer die Bose jou aanval is wanneer die Satan sy brandpyle na jou toe gooi. Dis die dag van krisis; die dag wanneer die vyand jou teiken. Daardie bose dag sal kom en dit kom nie net een keer nie. Maar solank jy in die Woord is—ten volle geklee in God se wapenrusting—jy sal altyd seëvier!

Jy leef en funksioneer in die Koninkryk van die lig waar die Satan nie ’n kans staan nie. Jy leef in die oorwinning en gesag van Jesus Christus. Jy het iets wat die duiwels nie kan teenstaan nie—Jesus se Naam. Gebruik dit en seëvier heerlik, altyd!

BELYDENIS

Ek leef en funksioneer in die Koninkryk van die lig, met gesag oor die Satan en sy duistere trawante. Geen wapen wat teen my gesmee is, sal enige iets uitrig nie. Ek leef in die oorwinning en gesag van Jesus Christus en my geloof is ’n wapen ter verdediging teen die brandpyle van die bose; ’n instrument van oorwinning oor die vyand en vyandighede. Ek leef triomfantlik in Christus, elke dag. Halleluja!

VERDERE STUDIE:

Lukas 10:17-19; Jakobus 4:7 AMPC; Matthéüs 10:1