DAGSTUKKIES UIT DIE BYBEL:
PRAAT EN SKEP WAT JY WIL HÊ

Omdat ons glo, weet ons dat die wêreld deur die woord van God geskep is: die sigbare dinge het dus nie ontstaan uit iets wat ons sien nie (Hebreërs 11:3).

Wat ons pas in die openingsvers gelees het, openbaar jou oneindige krag en heerlikheid in Christus Jesus; wat jy kan doen met die Woord (rhema) van God in jou mond. Dink terug aan die Boek Genesis. Die Bybel sê die aarde was ’n chaotiese massa, maar nadat die Heilige Gees daaroor beweeg het, het God die Woord en alles wat Hy gespreek het in die lewe geroep. Dit is dieselfde vermoë wat Hy ons gegee het – die vermoë om wat ook al ons wil hê, te sê en tot stand te bring.

’n Belangrike sleutel hiertoe is bepeinsing. Net soos die Heilige Gees ‘gebroei’ (geswewe, vibreer) het oor die aarde se chaotiese massa – kan jy wanneer jy ’n situasie wil verander, tyd neem om God se Woord te oordink. Gedurende daardie bepeinsing, sal daar binne-in jou inspirerende woorde opkom – inspirerende woorde wat die verandering(e) wat jy begeer sal veroorsaak.

Hosea 14:2 sê: “Neem woorde met julle…” Wat wil jy in jou lewe hê? Die Bybel sê alle dinge het deur die Woord ontstaan, en sonder Hom het nie een ding ontstaan wat ontstaan het nie. So, wat wil jy skep? Moenie huil oor die situasie nie. Moenie kla oor die pyn nie! Die vraag is: “Wat wil jy sien? Wat wil jy skep uit daardie onseker situasie?” Die Bybel sê, God het gesê dat lig uit duisternis moet skyn. Moenie fokus op die probleem nie. Fokus op wat jy wil hê en spreek dit. Moenie sê: “Ek het kanker, of ek het diabetes nie.” Dit gaan nie oor wat jy “het” nie.Wat wil jy hê in die plek van daardie kanker of diabetes? God het duisternis gehad aan die begin, maar Hy het lig tot stand gepraat. Jy’s geskape na sy beeld en gelykenis, met sy vermoë in jou gees en sy Woord in jou mond. Praat en skep wat jy wil hê. Halleluja!

BELYDENIS

Ek trek voordeel uit die kreatiewe krag van God in my woorde, ek vorm my glorieryke lewe en omgewing in akkoord met God se perfekte wil vir my. Soos ek woorde van seën uitspreek oor my lewe, gesondheid, finansies, geliefdes en bediening, beweeg die Heilige Gees daaroor en dit word waar. Ek wandel in seëninge en immer toenemende heerlikheid vandag, in Jesus se Naam. Amen.

VERDERE STUDIE:

2 Korinthiërs 4:13; Markus 11:23